قولونەر شەبەرلەرى قوسشىدا باس قوستى

استانا. KAZINFIRM - جىل سوڭىنا دەيىن 7 كرەاتيۆتى يندۋستريا ورتالىعى قولدانىسقا قوسىلادى. قازىر مۇنداي 13 نىسان بار. ونىڭ ءبىرى قوسشى قالاسىندا. بۇگىن وندا قولونەر شەبەرلەرى باس قوسىپ، سالاداعى ءتۇيىندى تۇيتكىلدەردى جىپكە ءتىزدى.

تالانت يەلەرىنىڭ تالاپ-تىلەگىن تىڭداۋعا مادەنيەت جانە اقپارات، ساۋدا جانە ينتەگراتسيا ۆيتسە-مينيسترلەرى، دەپۋتاتتار دا باردى. ايتايىق، قازىر كرەاتيۆتى يندۋسترياعا قاتىستى زاڭ جوباسى ءماجىلىس قابىرعاسىندا قارالىپ جاتىر. كەلەلى كەڭەستەگى ۇسىنىس-پىكىرلەر جاڭا قۇجاتقا ەنەدى.

نۇرگۇل تاۋ، ق ر پارلامەنتى ءماجىلىسىنىڭ دەپۋتاتى:

- وتە اۋقىمدى زاڭ. ويتكەنى كوپتەگەن وسى سالالاردىڭ ماماندارىن تارتىپ، ولاردىڭ ويىن، پىكىرىن، ۇسىنىسىن تىڭداپ وتىرمىز. بۇگىن وسى قولونەر سالاسىنىڭ ماماندارىنىڭ جينالىسى، قولونەردىڭ پروبلەماسىن كوتەردى. شەبەردىڭ قالاي بولۋىن نەمەسە شىن مانىندە كوڭىل بولىنبەي قالعانى ولقىلىق بولىپ تۇر. وسىنى تولتىراتىن ۇلكەن ۇسىنىستار ءتۇستى.

24.kz