قوعامدىق تاماقتانۋ ورىندارى بويىنشا الماتى، استانا قالالارى كوش باستادى

استانا. KAZINFORM - قازاقستاندا قوعامدىق تاماقتانۋ ورىندارىنىڭ سانى ارتتى. بۇل تۋرالى ۇلتتىق ستاتيستيكالىق بيۋرو ءمالىم ەتتى.

- 2024 -جىلى ەلىمىزدە 16674 قوعامدىق تاماقتانۋ ورنى تىركەلگەن، بۇل 2023 -جىلمەن سالىستىرعاندا %5,4 كوپ (ول كەزدە 15826 نىسان بولعان). قوعامدىق تاماقتانۋ ورىندارىنىڭ ەڭ كوپ سانى - الماتى (2427 مەكەمە)، استانا (2252) قالالارى جانە قاراعاندى وبلىسىندا (1333)، - دەلىنگەن حابارلامادا.

تاماق تانۋ ورىندارىنىڭ ىشىندە مەيرامحانالاردىڭ سانى ايتارلىقتاي وزگەرمەگەن - ءبىر جىل ىشىندە 55 بىرلىككە ارتىپ، 2358 گە جەتكەن. اسحانالاردىڭ سانى %4,3 ءوسىپ، 5383 -تەن 5618 گە دەيىن جەتكەن. ەڭ جوعارى ءوسىم كافەلەر اراسىندا، ولاردىڭ سانى 4479 دان 5202 گە دەيىن كوبەيىپ، ,1 ارتقان. مەيرامحانالاردىڭ ەڭ كوپ سانى استانادا (524)، الماتىدا (446) جانە اقتوبە وبلىسىندا (161) شوعىرلانعان.

كافەلەر سانى بويىنشا استانا (643)، الماتى (618) جانە قاراعاندى وبلىسى (589) كوش باستاپ تۇر. 2024 -جىلى تاماقتانۋ جانە سۋسىن بويىنشا كورسەتىلگەن قىزمەتتەر كولەمى 1,5 تريلليون تەڭگەنى قۇرادى.

ايتا كەتەلىك، تۇركىستان وبلىسىنداعى قوعامدىق تاماقتانۋ ورىندارىندا ۋلانۋ جاعدايلارى جيىلەگەن.