قۇتقارۋشىلار كۇنى: توتەنشە جاعدايلار سالاسىنىڭ 571 قىزمەتكەرى ماراپاتتالدى

استانا. KAZINFORM - بۇگىن 19-قازاندا ق ر توتەنشە جاعايلار مينيسترلىگىندە قۇتقارۋشى كۇنىنە ارنالعان سالتاناتتى جينالىس ءوتتى، دەپ حابارلايدى ۆەومستۆونىڭ باسپا ءسوز قىزمەتى.

سالتاناتتى شاراعا مينيسترلىكتىڭ باسشىلىعى، جەكە قۇرامى، ازاماتتىق قورعاۋ ورگاندارىنىڭ ارداگەرلەرى مەن قوناقتار قاتىستى. ءىس-شارانى توتەنشە جاعدايلار ءمينيسترى شىڭعىس ءارىنوۆ قۇتتىقتاۋ سوزىمەن اشىپ، قۇتقارۋشىلاردى كاسىبي مەرەكەمەن قۇتتىقتادى.

«بۇگىن سىزدەردىڭ قىزمەتكە دەگەن ادالدىقتارىڭىز بەن باتىلدىقتارىڭىزدى كورسەتەتىن كۇن. كۇندەلىكتى ەرلىكتەرىڭىز قوعام ءۇشىن باعا جەتپەس ءىس جانە ءارقايسىلارىڭىزدى وسى ءۇشىن مەن ماقتان تۇتامىن. توتەنشە جاعدايلار مينيسترلىگى قىزمەتتەرىڭىزدى جوعارى باعالاپ، سىزدەردى الەۋمەتتىك، تۇرعىن ۇيمەن جانە ماتەريالدىق- تەحنيكالىق قامسىزداندىرۋعا باعىتتالعان باعدارلامالاردى جۇزەگە اسىرۋدى جالعاستىرادى. قۇتقارۋشى كۇنى سىزدەرگە جانە وتباسىلارىڭىزعا شىن جۇرەكتەن زور دەنساۋلىق، باق-بەرەكە مەن ماڭىزدى ىستەرىڭىزدە جەتىستىكتەر تىلەيمىن! ەلىمىزدىڭ قاۋىپسىزدىگى ءۇشىن اتقاراتىن قىزمەتتەرىڭىز تابىستى بولسىن!»، - دەپ اتاپ ءوتتى مينيستر.

ت ج م، مەملەكەتتىك ورگاندار مەن ۇيىمداردىڭ 571 قىزمەتكەرى كاسىبي مەرەكە قۇرمەتىنە لايىقتى ماراپاتتارعا يە بولدى. قۇتقارۋشىلارعا مەدالدار، توسبەلگىلەر جانە العىس حاتتار تابىس ەتىلدى. سونىمەن قاتار تجم قۇرىلىمدىق بولىمشەلەرى اراسىندا شاعىن فۋتبول، ۆولەيبول جانە ۇستەل تەننيسىنەن جارىستار وتكىزىلدى.

ونىڭ قورىتىندىسى بويىنشا كۋبوكتار ءبىرىنشى ورىن – ت ج جويۋ دەپارتامەنتىنە، ەكىنشى ورىن - «رەزەرۆ» ر م ك جانە ءۇشىنشى ورىن - ستراتەگيالىق جوسپارلاۋ جانە جەدەل باسقارۋ كوماندالىق ورتالىعىنا تابىستالدى. مەرەكەلىك ءىس-شارالار ەلىمىزدىڭ بارلىق وڭىرلەرىندە ءوتتى.