قۇتقارۋشىلار جوعالىپ كەتكەن اڭشىنى تاپتى

استانا. KAZINFORM - كەشە الماتى وبلىسى ت ج د كەزەكشى بولىمىنە ۇيعىر اۋدانى قىرعىزساي اۋىلىنىڭ ماڭىندا اڭ اۋلاۋعا كەتكەن 1978 -جىلى تۋعان ازاماتتىڭ جوعالىپ كەتكەنى تۋرالى حابارلاما كەلىپ تۇسكەن.

قۇتقارۋشىلارمەن بىرگە پوليسيا قىزمەتكەرلەرى، جاو جانە جەرگىلىكتى تۇرعىندار قاتىسقان ىزدەۋ- قۇتقارۋ جۇمىستارى بۇگىن تاڭعى ساعات 4 تە باستالدى.

ىزدەۋ توبى اۋىلدان 30 شاقىرىم جەردە اڭشىنى تاپتى. جەرگىلىكتى ەمەس بولعان سوڭ، ول تاۋلى جەرلەردە باعداردان ايىرىلىپ اداسىپ كەتىپتى. ازاماتقا مەديتسينالىق كومەككە مۇقتاج بولعان جوق.

ت ج م تاۋعا نەمەسە بەيتانىس جەرگە شىققان كەزدە جەرگىلىكتى بيلىك پەن ت ج قىزمەتتەرىنە ءوز باعىتى تۋرالى حابارلاۋ كەرەك ەكەنىن ەسكە سالادى.