قۇتقارۋشىلار الداعى كۇندەرى تاۋعا شىقپاۋعا كەڭەس بەردى

الماتى. KAZINFORM - الماتىلىق قۇتقارۋشىلار قالا تۇرعىندارى مەن قوناقتارىن الداعى كۇندەرى تاۋعا شىقپاۋعا شاقىردى.

- جىلىمىقتىڭ اسەرىنەن قار جامىلعىسى تۇراقسىز. وسىعان بايلانىستى 25-ءساۋىر مەن 2-مامىر ارالىعىندا تاۋلاردا قار كوشكىنى قاۋپى ساقتالادى. وسىعان وراي، قالا تۇرعىندارى مەن قوناقتارىنا تاۋلار مەن قارلى تىك جارتاستارعا شىقپاۋعا كەڭەس بەرەمىز. تاۋدا اباي بولىڭىزدار، - دەلىنگەن حابارلامادا.

ەسكە سالايىق، بۇعان دەيىن الماتى تاۋلارىندا شاڭعىشىلار قار كوشكىنىنە سەبەپ بولعانى تۋرالى جازعان ەدىك.

سونداي-اق وسى جىلدىڭ 17-ناۋرىزىندا شىمبۇلاق ماڭىندا جۇرگەن قار كوشكىنى سالدارىنان ءبىر ادام قازا تاۋىپ، ەكى ادام جاراقات الدى.