قۇسبەگىلىك سايىسى دۇنيەجۇزىلىك كوشپەندىلەر ويىنىنا العاش رەت قوسىلدى - باعدات مۇپتەكە قىزى

الماتى. KAZINFORM - دۇنيەجۇزىلىك كوشپەندىلەر ويىندارىنىڭ باستالۋىنا از كۇن قالدى. بيىلعى ويىندارعا الماتىدان ەكى سپورتشى قاتىسادى. ولار «قازاق كۇرەسى» بويىنشا ەل نامىسىن قورعايدى.

بۇل تۋرالى وڭىرلىك كوممۋنيكاتسيالار قىزمەتىنىڭ بريفينگىندە ۇلتتىق جانە ات سپورتى كلۋبىنىڭ جەتەكشىسى نۇرلان وسپانوۆ ايتتى.

نۇرلان وسپانوۆتىڭ ايتۋىنشا، ءار وڭىردەن ويىندارعا قاتىساتىن «ەلشىلەر» مەن ءبىر «باتىر» سپورتشى تاعايىندالادى. ولاردىڭ مىندەتى - ويىنداردىڭ ماڭىزدىلىعى مەن ەرەكشەلىكتەرىن ناسيحاتتاۋ، سونداي-اق كەزدەسۋلەر مەن دوڭگەلەك ۇستەلدەردى ۇيىمداستىرۋ.

ال رەسپۋبليكالىق «قۇسبەگىلىك» فەدەراتسياسىنىڭ ۆيتسە-پرەزيدەنتى، «قىران» فەدەراتسياسىنىڭ اتقارۋشى ديرەكتورى باعدات مۇپتەكە قىزى بۇل ويىندار - قازاق حالقىنىڭ بىرەگەي ۇلتتىق بولمىسىن الەمگە پاش ەتۋ مۇمكىندىگى ەكەنىن اتاپ ءوتتى.

«الداعى ءىس-شارا كوشپەندىلەر ويىندارىنىڭ الەمدەگى دەڭگەيىن عانا ەمەس، قازاقستاننىڭ مادەني جانە سپورتتىق قۇندىلىقتارىن دا كورسەتەدى. ءبىزدىڭ ۇلتتىق سپورت ءتۇرىمىز - «قۇسبەگىلىك» الدىڭعى ءتورت ويىننىڭ باعدارلاماسىنا كىرمەگەن ەدى، ءبىراق بيىل ول ەنگىزىلىپ وتىر، ءبىز بۇعان وتە قۋانىشتىمىز. بۇركىت - قازاق رۋحى مەن توزىمدىلىگىنىڭ سيمۆولى، ول سونداي- اق ءبىزدىڭ ۇلتتىق تۋىمىزدا بەينەلەنگەن»، - دەدى باعدات مۇپتەكە قىزى.

ەسكە سالايىق، بۇعان دەيىن استاناداعى سپورت نىسانداردىڭ كوشپەندىلەر ويىنىنا دايىندىعى تۋرالى جازعانبىز.

اۆتور

دوسبول اتاجان