قۇس تۇماۋىن جۇقتىرۋ قاۋپى تومەن - د د س ۇ

استانا. KAZINFORM — دۇنيەجۇزىلىك دەنساۋلىق ساقتاۋ ۇيىمى (د د س ۇ) حالىققا تونگەن قاۋىپ دەڭگەيى تومەن ەكەنىن حابارلادى.

بۇنداي مالىمدەمە ا ق ش- تا قۇس تۇماۋىن جۇقتىرعان جاعداي تىركەلگەننەن كەيىن جاسالدى.

دۇنيەجۇزىلىك دەنساۋلىق ساقتاۋ ۇيىمىنىڭ وكىلى مارگارەت حارريس جەنيەۆادا جۋرناليستەرگە اۋرۋ تۋدىراتىن H5N1 ۆيرۋسى ادامدار اراسىندا تارالمايتىنىن، قۇس نەمەسە مالمەن بايلانىسقان جاعدايدا بولاتىنىن ايتتى.

- ينفەكسيانىڭ ادامدار اراسىندا كەڭ تارالۋى تىركەلگەن جوق، - دەدى ول.

- لۋيزيانادا قايتىس بولعان ناۋقاس 65 جاستان اسقان جانە قولدا بار مالىمەتتەرگە سايكەس، سوزىلمالى اۋرۋلاردان زارداپ شەككەن، سونىمەن قاتار ءۇي جانە جابايى قۇستارمەن تىكەلەي بايلانىستا بولعان، - دەدى حارريس.

حارريس دۇنيەجۇزىلىك دەنساۋلىق ساقتاۋ ۇيىمى قۇس تۇماۋىنان قوعامعا ءتونىپ تۇرعان قاۋىپ جوق ەكەنىن قايتالاپ ايتتى.

سونىمەن قاتار، قىتايدا ادامنىڭ مەتاپنيەۆموۆيرۋسى (hMPV) دەپ اتالاتىن رەسپيراتورلىق ۆيرۋستىڭ تارالۋى دا ب ا ق- تىڭ نازارىن اۋداردى. حارريس بۇل ينفەكتسيانىڭ دا ەلەۋلى قاۋىپ توندىرمەيتىنىن اتاپ ءوتتى.

بۇعان دەيىن قازاقستاننىڭ دەنساۋلىق ساقتاۋ مينيسترلىگى ادامنىڭ مەتاپنيەۆموۆيرۋسى كوپتەگەن ەلدەردە ونداعان جىلدار بويى تارالىپ كەلە جاتقان كلاسسيكالىق ۆيرۋستاردىڭ ءبىرى ەكەنىن حابارلاعان بولاتىن. جرۆي جانە تۇماۋمەن سىرقاتتانۋشىلىقتىڭ ماۋسىمدىق ءوسۋى كەزىندە عارىشتا بەلسەندى اينالىمدا بولاتىن ينفەكتسيالاردىڭ باسقا تۇرلەرىمەن قاتار قازاقستاندا دا وسى ۆيرۋستىڭ شتامدارى انىقتالدى.