ايتا كەتەيىك، جاقىندا ق ر ورتالىق سايلاۋ كوميسسياسى گۇلنار قوجاعۇل قىزىن قازاقستان رەسپۋبليكاسى قۇرىلتايىنىڭ دەپۋتاتى رەتىندە تىركەۋ تۋرالى قاۋلى قابىلدادى.
- قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىنا قاتاڭ باعىنۋعا، دەپۋتاتتىڭ وزىمە جۇكتەلگەن مارتەبەلى مىندەتتەرىن ادال اتقارۋعا انت ەتەمىن، -دەدى گ. تويلىبايەۆا انت قابىلداۋ راسىمىندە.
جالپى وتىرىس بارىسىندا گۇلنار قوجاعۇل قىزى قۇرىلتايدىڭ قارجى جانە بيۋدجەت كوميتەتىنىڭ مۇشەسى رەتىندە سايلاندى.
ەسكە سالايىق، 2026-جىلعى 7-قازاندا قۇرىلتاي دەپۋتاتى تاتيانا ساۆەليەۆانىڭ وكىلەتى مەرزىمىنەن بۇرىن توقتاتىلعانىن حابارلاعان ەدىك. ارتىنشا تاتيانا ساۆەليەۆا قورعانىس ءمينيسترىنىڭ ورىنباسارى بولىپ تاعايىندالدى.
بۇعان دەيىن «ادىلەت» پارتياسى قۇرىلتاي دەپۋتاتىنىڭ بوس مانداتىنا كانديداتۋرا ۇسىنعانىن جازعانبىز.
پارتيانىڭ باسپاءسوز قىزمەتىنىڭ مالىمەتىنشە، گۇلنار تويلىبايەۆا مەملەكەتتىك ورگاندار مەن پارتيا قۇرىلىمدارىندا ۇزاق جىلدان بەرى قىزمەت ەتكەن. بۇعان دەيىن وبلىستىق ءماسليحاتتىڭ حاتشىسى جانە ءتوراعاسى قىزمەتتەرىن اتقارعان.