كەزدەسۋدە ايبەك دادەباي تامىز ايىندا وتكەن قۇرىلتاي سايلاۋىنداعى تۇركپا باقىلاۋشىلار ميسسياسىنىڭ جۇمىسىنا ريزاشىلىعىن ءبىلدىردى. سونداي-اق قۇرىلتاي باۋىرلاس تۇركى ەلدەرىنىڭ پارلامەنتتەرىمەن تىعىز قارىم-قاتىناس جاساۋ ءداستۇرىن جالعاستىراتىنىن اتاپ ءوتتى.
- تۇركى مەملەكەتتەرى اراسىنداعى ىنتىماقتاستىق پەن ارىپتەستىك بايلانىسقا قازاقستان ەرەكشە باسىمدىق بەرەدى. بۇل تۋرالى مەملەكەت باسشىسى قاسىم-جومارت توقايەۆ ۇنەمى ايتىپ ءجۇر. ءبىز - باۋىرلاس حالىقپىز، تاريحىمىز بەن مادەنيەتىمىز ورتاق. وسى بايلانىستاردى ودان ءارى نىعايتا ءتۇسۋىمىز كەرەك. ءبىزدىڭ ەلدەرىمىزدىڭ پارلامەنتشىلەرى مۇنى جاقسى ءتۇسىنىپ، تۇركى بىرلىگىن نىعايتۋعا زور ۇلەس قوسىپ كەلەدى. بۇل رەتتە تۇرك پ ا-نىڭ تۇركى ينتەگراتسياسىنداعى الاتىن ورنى ەرەكشە، - دەدى ايبەك دادەباي.
راميل گاسان ايبەك دادەبايدى قۇرىلتاي ءتوراعاسى قىزمەتىنە سايلانۋىمەن قۇتتىقتاپ، پارلامەنتتەردىڭ مەملەكەتارالىق ساياساتتى جۇزەگە اسىرۋداعى رولىنە توقتالدى.
تۇركپا باس حاتشىسى قازاقستاندا جۇرگىزىلىپ جاتقان رەفورمالارعا قاتىستى پىكىر ءبىلدىرىپ، ولاردىڭ قوعامنىڭ ءال-اۋقاتىن ارتتىرۋعا جانە مەملەكەتارالىق قاتىناستاردى دامىتۋعا ىقپالىن اتاپ ءوتتى.
كەزدەسۋدە قازاقستاننىڭ تۇرك پ ا-عا ءتوراعالىعىنىڭ اياقتالۋىنا بايلانىستى ماسەلەلەر دە ءسوز بولدى. ايبەك دادەباي قازان ايىندا بىشكەكتە وتەتىن اسسامبلەيانىڭ XV جالپى وتىرىسىنىڭ ماڭىزىن اتاپ ءوتىپ، ونىڭ ناتيجەلەرى ۇيىم اياسىنداعى ىنتىماقتاستىقتى ودان ءارى نىعايتۋعا سەرپىن بەرەتىنىنە سەنىم ءبىلدىردى.
تاراپتار تۇركپا جۇمىسى جانە پارلامەنتارالىق باعىتتاعى الداعى ءىس-شارالارعا قاتىستى ءبىرقاتار ۇيىمداستىرۋ ماسەلەسىن دە تالقىلادى.
ايتا كەتەيىك، 2025 -جىلى استانادا تۇرك پ ا-نىڭ XIV جالپى وتىرىسى ءوتىپ، ونىڭ قورىتىندىسى بويىنشا استانا دەكلاراتسياسى قابىلدانعان ەدى.