دەپۋتاتتاردىڭ قاراۋىنا 2027-2029-جىلدارعا ارنالعان رەسپۋبليكالىق بيۋجەت تۋرالى زاڭ جوباسى جانە «قازاقستان رەسپۋبليكاسىنىڭ مەملەكەتتىك ناگرادالارى تۋرالى» زاڭعا ەنگىزىلەتىن تۇزەتۋلەر شىعارىلادى.
قۇرىلتايدىڭ الداعى وتىرىسىندا «2027-2029-جىلدارعا ارنالعان رەسپۋبليكالىق بيۋجەت تۋرالى» زاڭ جوباسى ءبىرىنشى وقىلىمدا قارالادى. قۇجات مەملەكەت باسشىسى العا قويعان نەگىزگى مىندەتتەردى ىسكە اسىرۋعا: ماكروەكونوميكالىق تۇراقتىلىقتى ساقتاۋعا، بارلىق الەۋمەتتىك مىندەتتەمەلەردى ورىنداۋعا جانە ينفراقۇرىلىمدى وزىق تۇردە دامىتۋعا باعدارلانعان.
جوباعا سايكەس، الداعى ورتا مەرزىمدى كەزەڭدە ج ءى ءو- ءنىڭ ورتاشا ءوسۋ قارقىنى 5,4 پايىز دەپ بولجانادى. جىلدىق ينفلياتسيانىڭ 2027-جىلداعى نىسانالى ءدالىزى 7,5-9,5 پايىز دەڭگەيىندە، 2029-جىلعا قاراي 6 پايىزعا دەيىن تومەندەيدى دەپ ايقىندالدى. وسى ۋاقىتقا دەيىن رەسپۋبليكالىق بيۋجەت تاپشىلىعىن ج ءى ءو- گە شاققاندا 0,4 پايىزعا دەيىن قىسقارتۋ (1 تريلليون تەڭگە)، ءال وز تۇسىمدەرىن 23,4 تريلليون تەڭگەگە دەيىن ۇلعايتۋ جوسپارلانىپ وتىر. كەلەسى جىلى شىعىستاردىڭ نەگىزگى باعىتى ادامي كاپيتالعا ينۆەستيتسيالار سالۋ، وڭىرلەردى قولداۋ، ەكونوميكانىڭ ناقتى سەكتورى جانە باسقا باعىتتاردى قامتيدى.
سونىمەن قاتار، «قازاقستان رەسپۋبليكاسىنىڭ مەملەكەتتىك ناگرادالارى تۋرالى» زاڭعا وزگەرىستەر مەن تولىقتىرۋلار جوباسى ەكىنشى وقىلىمدا قارالادى. تۇزەتۋلەرگە مەملەكەت باسشىسىنىڭ تاپسىرماسىن ورىنداۋ ماقساتىندا قۇرىلتاي دەپۋتاتتارى باستاماشى بولدى. زاڭ اياسىندا مۋزىكا جانە بەينەلەۋ ونەرى سالاسىنداعى ەكى جاڭا ەرەكشەلىك بەلگىسى - «ءشامشى قالداياقوۆ» مەدالىن جانە «قازاقستاننىڭ ەڭبەك سىڭىرگەن سۋرەتشىسى» قۇرمەتتى اتاعىن ەنگىزۋ كوزدەلگەن.
ەسكە سالايىق، بۇعان دەيىن قۇرىلتايدا 2027-2029-جىلدارعا ارنالعان رەسپۋبليكالىق بيۋجەت جوباسى تانىستىرىلعان ەدى. قۇرىلتاي ۆيتسە-سپيكەرى دانيا ەسپايەۆا 2027-جىلدىڭ باستاپقى كەزەڭى ءالى دە كۇردەلى كۇيىندە قالىپ وتىرعانىن ايتتى.