قۇرانداعى قاسيەتتى دۇعالار

قاسيەتتى قۇراندا ادام جانى قينالعاندا، قاتتى ناۋقاستانعاندا، كوز تيگەندە جانە ۇرلانعان نارسەنى تابۋ ءۇشىن دە وقىلاتىن دۇعالار بار.

حاديس شاريفتە بىلاي بۇيىرىلدى: «قيامەت كۇنى داپتەرىندە كوپ يستيعفار (استاعفيرۋللاه) بولعان ادامعا ءسۇيىنشى بولسىن!» ولىمنەن باسقا بارلىق دەرتتەردەن قۇتقارادى جانە ريزىقتى ارتتىرادى. اجالى كەلگەن ادامعا اۋرۋسىز، قينالماي جان تاپسىرۋىنا كومەكتەسەدى.

حاديس شاريفتە: «ءلا ءحاۋلا ءۋالا قۋۋاتا ءيللا ءبيللاهيل الي يل-ازىيم» كاليماسىن وقۋ 99 دەرتكە داۋا بولادى. بۇلاردىڭ ەڭ جەڭىلى قايعى. «بۇعان «ءتامجيد كاليماسى» دەپ ايتىلادى. قورىققان كەزدەردە جانە جىننان قورعانۋ ءۇشىن دە وقىلادى.

«ءبيسميللاهيرراحمانيرراحيم ءۋالا ءحاۋلا ءۋالا قۋۋاتا ءيللا ءبيللاهيل اليي يل-ازىيم» كاليماسىن وقۋ جۇيكە اۋرۋلارىنا جانە بۇكىل اۋرۋلارعا جاقسى كەلەدى.

«فاتيحا»، «ايات ءال-كۋرسي» جانە «ءتورت قۋل» (ياعني كافيرۋن، يحلاس، ءفالاق، ناس) سۇرەلەرىن 7 رەتتەن وقىپ اۋرۋ كىسىنىڭ ۇستىنە ۇرلەنەتىن بولسا، بۇكىل قيىنشىلىقتارعا، دەرتتەرگە، سيقىرعا، كوز تيگەنگە، جانۋارلاردىڭ تىستەگەنىنە، شاققانىنا جاقسى كومەكتەسەدى.

راسۋلۋللاه ساللاللاهۋ تاالا الەيهي ۋاساللام بىلاي دەپ بۇيىردى:

«جاڭبىر سۋىن جيناپ، ۇستىنە فاتيحا، ايات ءال-كۋرسي، يحلاس جانە قۋل ءاۋزۋ سۇرەلەرىن 70 رەتتەن وقىپ، بۇل سۋدان اراسىن ۇزبەي 7 كۇن تاڭەرتەڭگىسىن ىشكەندەردىڭ سىرقاتتارى، اۋرۋلارى توقتايدى».

كوز تيگەن ادامعا، پايعامبارىمىز بىلدىرگەن مىنا دۇعانى وقۋ كەرەك: «ءاۋزۋ بيكاليماتيتتامماتي مين ءشارري كۋللي ءشايتانين ءۋا ءحامماتين ءۋا مين ءشارري كۋللي اينين ءلامماتين.» بۇل دۇعانى كۇندە تاڭەرتەڭ جانە كەشكە 3 رەت وقىپ ءوزىنىڭ ۇستىنە نەمەسە جانىنداعىلاردىڭ ۇستىنە ۇرلەسە، كوز تيۋدەن جانە شايتانداردىڭ جانە جانۋارلاردىڭ زيانىنان قورعالادى.

جوعالعان جانە ۇرلانعان نارسەنى تابۋ ءۇشىن، كۇندە 25 رەت «يا جامي انناسي لي-يوۋمين ءلا ءرايبا فيحي ءينناللاها ءلا يۋحليف-ۋل مي اد يجما ءبايني ءۋا ءباينا...» دۇعاسىن وقۋ كەرەك (كوپ نۇكتەنىڭ ورنىنا جوعالعان نارسەنىڭ اتى ايتىلادى).

دۇعاڭىز قابىل بولسىن وقىرمان!

نۇرسەرىك جولبارىس

Baq.kz