استانا. KAZINFORM - بردى لاندشافتتى ساياباعىنداعى قۇندىزدار ەكى كۇندە بوگەت سالىپ، چەحيا مەملەكەتىنە شامامەن 30 ميلليون كرون (1,2 ميلليون دوللار) ۇنەمدەدى، دەپ حابارلايدى ت ا س س.
ČT24 پورتالىنىڭ حابارلاۋىنشا، قۇندىزدار قورعالاتىن بردى لاندشافت ساياباعىندا بىرنەشە بوگەت تۇرعىزىپ، اۋماقتى تابيعي، باتپاقتى قالپىنا قايتارعان.
- ساياباق اكىمشىلىگى اۋماققا تابيعي سيپات بەرۋدى جوسپارلاعان، ءبىراق مۇنى جانۋارلار جۇزەگە اسىردى. وسىنىڭ ارقاسىندا 30 ميلليون كرونعا دەيىن ۇنەمدەلدى، - دەدى لاندشافتتىق ساياباق باسقارماسىنىڭ باسشىسى بوگۋميل فيشەر.
زوولوگ يرجي ۆلچەكتىڭ ايتۋىنشا، قۇندىزدار ءبىر نەمەسە ەكى تۇندە بوگەت سالۋعا قابىلەتتى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.