استانا. KAZINFORM - توتەنشە جاعدايلار ۆيتسە-ءمينيسترى باۋىرجان سىزدىقوۆ ۇكىمەت وتىرىسىنان كەيىن وتكەن بريفينگىدە قۇلسارىداعى تاسقىن سەبەبى تۋرالى اڭگىمەلەرگە پىكىر ءبىلدىردى.
«الەۋمەتتىك جەلىدە قۇلسارىداعى تاسقىنعا الدەبىرەۋلەردىڭ زاڭسىز بوگەت سالعانى سەبەپكەر بولعان دەگەنگە ساياتىن بەينەلەر قاپتاپ ءجۇر. وسىعان بايلانىستى تەرگەۋ جۇرگىزدىڭىزدەر مە؟ ناتيجە بار ما؟» - دەپ سۇرادى جۋرناليست.
ۆيتسە-مينيستر ونداي اقپاراتتىڭ تاراعانىن راستادى. ءبىراق ءالى تەكسەرۋ باستالماعان.
«ءيا، ونداي اقپاراتتار الەۋمەتتىك جەلىدە بار. بۇگىنگى تاڭدا ول جاقتا ءالى تەرگەپ-تەكسەرۋ جۇمىستارى باستالعان جوق. قازىر سۋ كەتكەننەن كەيىن باستالادى»، - دەدى باۋىرجان سىزدىقوۆ.
اۆتور
ەسىمجان ناقتىباي
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан