قۇلسارىدا سۋعا باتىپ بارا جاتقان 9 باس جىلقى قۇتقارىلدى
قۇلسارى. KAZINFOM - اتىراۋ وبلىسى جىلىوي اۋدانى قۇلسارى قالاسىندا قۇتقارۋشىلار جىلقىلاردىڭ ومىرىنە اراشا ءتۇستى. بۇل جايىندا اتىراۋ وبلىسى ت ج د قوعاممەن بايلانىس توبى حابارلادى.
22-ءساۋىر ساعات 17:00 كەزىندە جىلىوي اۋدانى قۇلسارى قالاسىندا جينالعان سۋدىڭ ورتاسىنان شىعا الماي قالعان جىلقىلار جونىندە حابار تۇسكەن. قۇتقارۋشىلار دەرەۋ وقيعا ورنىنا اتتانىپ، ۋاقتىلى جەتتى.
ولار جىلقىلاردى سۋدان شىعارىپ، 9 باس مالدى قاۋىپسىز جەرگە ايدادى. زارداپ شەككەندەر جوق.
قۇتقارۋ جۇمىسىنا 3 قىزمەتكەر، ءبىر تەحنيكا جانە قايىق جۇمىلدىرىلعان.
ەسكە سالا كەتەلىك، بۇدان بۇرىن اتىراۋ وبلىسىندا جاعالاۋعا 2,7 ميلليون قۇم تولتىرىلعان قاپ توسەلگەنىن حابارلاعان ەدىك.
سونداي-اق، اتىراۋ وبلىسىنىڭ ب ق و- مەن شەكاراداعى باعىرلاي كانالىنا مول سۋ كەلدى.
قۇلسارى قالاسىنان 887 مىڭنان استام تەكشە مەتر سۋ سورىلدى.