استانا. KAZINFORM - بۇگىن 7-ءساۋىر كۇنى تاڭعى ساعات 11 شاماسىندا اتىراۋ وبلىسى ت ج د كۇشىمەن ەكى ادامنىڭ دەنەسى تابىلدى. بۇل تۋرالى اتىراۋ وبلىستىق ت ج د باسپا ءسوز قىزمەتى ءمالىم ەتتى.
«ەستەرىڭىزگە سالا كەتەيىك، اعىمداعى جىلعى 6-ساۋىردە جىلىوي اۋدانىنىڭ قۇلسارى قالاسىندا 1974-جىلى تۋعان ەر ادام دوسىمەن بىرگە رۇقسات ەتۋ قۇجاتىنسىز سۋ باسقان تۇرعىن ءۇيدى تەكسەرۋ ءۇشىن تراكتورمەن بارا جاتقاندا، جولدان شىعىپ اۋدارىلعان. ىزدەۋ جۇمىستارىنا جەكە قۇرامنان 3 ادام جانە 1 ءجۇزۋ قۇرالى جۇمىلدىرىلدى»، - دەلىنگەن حابارلامادا.
ت ج م ازاماتتاردى سۋ تاسقىنى كەزەڭىندە وتە مۇقيات بولۋعا جانە قاۋىپسىزدىك شارالارىن قاتاڭ ساقتاۋعا، ءتيىستى رۇقساتسىز ۇيلەر مەن ەۆاكۋاتسيالاۋ پۋنكتتەرىنەن كەتپەۋگە شاقىرادى.
بۇعان دەيىن قۇلسارىدا سۋ تاسقىنى كەزىندە ەكى ادام جوعالىپ كەتكەنى جونىندە اقپارات شىققان بولاتىن.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан