اتىراۋ. KAZINFORM - جىلىوي اۋدانىنىڭ اكىمى جۇمابەك قاراجانوۆتىڭ حابارلاۋىنشا، زارداپ شەككەن ۇيلەردىڭ تۇرعىندارى ءساۋىر، مامىر، ماۋسىم ايلارىندا كوممۋنالدىق قىزمەتتەر ءۇشىن تولەمنەن بوساتىلادى، دەپ حابارلايدى اتىراۋ وبلىسىنىڭ توتەنشە جاعدايلار جونىندەگى جەدەل شتابى.
قازىرگى ۋاقىتتا قۇلسارى قالاسى اۋىز سۋمەن ۇزدىكسىز قامتاماسىز ەتىلىپ جاتىر. ەلەكتر قۋاتىنا بارلىعى 2870 ءۇي قوسىلدى، سۋ باسۋ ايماعىندا ورنالاسقان 3084 ءۇيدى گازبەن جابدىقتالدى.
«تۇرعىندارعا ناۋرىز ايىنا كوممۋنالدىق تولەمدەردى (ق ت ق، ەلەكتر ەنەرگياسى، گاز جانە اۋىز سۋ ءۇشىن) تولەۋگە تۇبىرتەكتەر تاراتىلادى. الايدا، قالا تۇرعىندارى وزدەرىنە ىڭعايلى كەز كەلگەن ۋاقىتتا ەسەپشوتتاردى تولەي الادى»، - دەدى جۇمابەك قاراجانوۆ.
سونداي-اق، اۋدان اكىمىنىڭ حابارلاۋىنشا، قۇلسارى قالاسىندا كوممۋنالدىق قىزمەتتەرگە تاريفتەردى كوتەرۋ فاكتىلەرى تىركەلمەگەن.
اۆتور
ەلميرا ورالبايەۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан