سۋ تاسقىنىڭ سالدارىن جويۋعا 231 بىرلىك تەحنيكا، 1198 جەكە قۇرام، 18 بىرلىك ءجۇزۋ قۇرالدارى، 19 بىرلىك موتوپومپا جۇمىلدىرىلدى.
اتىراۋ وبلىسى قۇلسارى قالاسىنان جالپى سانى 33 641 ادام كوشىرىلدى جانە 201 ۋاقىتشا ورنالاسۋ ورىندارى دايىندالدى.
جالپى سانى 84 قوڭىراۋ ءتۇسىپ، 173 ادام قۇتقارىلدى، ونىڭ ىشىندە 15 بالا. 248 مال باسى جانە 27 ءۇي جانۋارلارى قاۋىپسىز ورىندارعا كوشىرىلدى.
قۇلسارىدان كوشىرىلگەن تۇرعىندار اقتاۋداعى 17 نىسانعا ورنالاسقانىن جازعان بولاتىنبىز.
اتىراۋ وبلىسىنان ماڭعىستاۋعا كوشىرىلگەن تۇرعىندار سانى ارتىپ جاتقانى ءمالىم بولدى.
سونداي-اق، جاڭاوزەن قالاسىنان كومەك بريگاداسى قۇلسارىعا جولعا شىقتى.