الماتى پوليتسياسىنىڭ مالىمدەۋىنشە، جول ۇستىندەگى جانجالعا بايلانىستى پوليتسياعا حابار ءتۇستى. قۇلجا تاسجولىندا كولىك جۇرگىزۋشىسى باسقا اۆتوكولىك جۇرگىزۋشىسىنىڭ تاپانشاعا ۇقساس زات كورسەتكەنىن حابارلاعان.
اقپارات دەرەۋ مەدەۋ اۋداندىق پوليتسيا باسقارماسىنىڭ پاترۋلدىك پوليتسيا قىزمەتكەرلەرىنە بەرىلدى. تاراسوۆ كوشەسىمەن قيىلىستا پوليتسەيلەر ىزدەستىرىلىپ جاتقان اۆتوكولىكتى توقتاتتى. رولدە 20 جاستاعى جىگىت وتىرعان.
اۆتوكولىكتى تەكسەرۋ كەزىندە جەدەل-تەرگەۋ توبى تراۆماتيكالىق تاپانشانى تاۋىپ، تاركىلەدى.
- قازىر قارۋدىڭ جىگىتكە قايدان كەلگەنى جانە ونى كولىكتە قانداي ماقساتپەن الىپ جۇرگەنى انىقتالىپ جاتىر. وقيعانىڭ وزگە دە مان-جايلارى تەكسەرۋ بارىسىندا بەلگىلى بولادى، - دەپ مالىمدەدى الماتى پ د.
ەسكە سالايىق، استانادا تۇنگى جانجالدا گاز تاپانشاسىن قولدانعان ەر ادامعا ۇكىم شىققان ەدى.