ودان بولەك، ادەبيەت سىنشىلارىنىڭ جوعارى باعاسىن العان 7 روماننىڭ اۆتورىنا 3 ميلليون تەڭگەدەن قالاماقى بەرىلدى.
ايتا كەتەيىك، ادەبي بايقاۋ بىلتىر باستالعان. ۇيىمداستىرۋشىلاردىڭ مالىمەتىنشە، بايقاۋعا 3 مىڭنان اسا ءوتىنىش ءتۇسىپتى. تالاپ بويىنشا شىعارمادا بۇگىنگى ۋاقىتتىڭ تىنىسى، جاڭا زامان ادامىنىڭ بەينەسى، تەحنولوگيالىق وزگەرىستەر كورىنىس تابۋى قاجەت. ساراپشىلار وسى ولشەمدەردىڭ ءبارىن ەسكەرىپ، 8 روماندى ىرىكتەگەن. جازۋشىلاردىڭ ايتۋىنشا، قازاق ادەبيەتىنە قازىر وسىنداي سەرپىن كەرەك.
جۇسىپبەك قورعاسبەك، جازۋشى، جۋرناليست:
- وسى جوبا جالعاسا بەرسە، قازاق ادەبيەتىنە ۇلكەن شىعارمالار الىپ كەلەدى. حالىقارالىق دەڭگەيگە شىعۋىمىزعا ءبىر سەپتىگىن تيگىزەدى دەپ ويلايمىن. «باس جۇلدە العان شىعارماعا كينو تۇسىرەمىز، اعىلشىن تىلىنە اۋدارامىز»، - دەيدى. وتە جاقسى جوبا.
بۇل بايقاۋ قازاق قالامگەرلەرىن شابىتاندىرىپ، ىنتالاندىرادى. ءار شىعارماعا ساراپشىلار باعا بەرىپ، تالدايدى. ادەبيەت سىنشىلارىنىڭ جوعارى باعاسىن العان 7 روماننىڭ اۆتورىنىڭ ءبىرى جازۋشى مۇرات الماسبەك كىتابىن امەريكادا باستاپ، قازاقستاندا اياقتاعان.
«ەكى جاعالاۋ دەگەن رومانىمدى جازدىم. وندا قامتىلاتىن تاقىرىپتى قىسقاشا ايتاتىن بولسام امەريكاعا كوشكەن قازاق وتباسىنىڭ وقيعاسى. بۇل كىسىلەر قازاقستاننان مەكسيكا شەكاراسىن كەسىپ ءوتىپ، امەريكاعا بارىپ قونىستانادى. زاڭسىز شەكارا كەسۋدە نەشە ءتۇرلى قيىندىقتى باستان كەشىرەدى. ول كىسى بار. امەريكادا تۇرىپ جاتىر. سول وقيعا نەگىزىندە جازىلعان شىعارما»،- دەيدى جازۋشى مۇرات الماسبەك.
ارمان سقابىل ۇلى، «قازىرگى زامانعى قازاق رومانى» بايقاۋىنىڭ اۆتورى:
- 5 ادەبيەت سىنشىسى، ىشىندە جازۋشىلار بار. قازىلار القاسى 10 بالدىق جۇيەمەن ەسەپتەپ، وزدەرى ۇپايلارىن قويىپ كەلدى. بارلىعىن سانادىق، ىشىندە قايسىسى كوبىرەك جيناعانىن جانە بۇگىنگى تاقىرىپقا ساي ەكەنىن انىقتادىق.
24.kz