قازگيدرومەت شىلدەنىڭ 4-كۇنگى كۇن رايى بولجامىن جاريالادى

استانا. KAZINFORM - «قازگيدرومەت» ر م ك- سى شىلدەنىڭ 4- كۇنگى كۇن رايى بولجامى جاريالادى.

كاسىپورىن تاراتقان دەرەكتەرگە قاراعاندا، سيكلون جانە ونىمەن بايلانىستى اتموسفەرالىق فرونتالدى بولىكتەر باتىستا، سولتۇستىكتە، شىعىستا، ق ر ورتالىعىندا ءوز ىقپالىن ساقتايدى. سونىڭ سالدارىنان ەلدىڭ باسىم بولىىندە نايزاعاي ويناپ، جاڭبىر جاۋادى، سولتۇستىكتە قاتتى جاڭبىر جاۋادى، جەكەلەگەن اۋدانداردا بۇرشاق جاۋۋى مۇمكىن.

ەلدىڭ وڭتۇستىگىندە، وڭتۇستىك-شىعىسىندا عانا كۇن جاۋىن-شاشىنسىز بولادى. رەسپۋبليكا بويىنشا جەل كۇشەيەدى، باتىستا، وڭتۇستىكتە شاڭدى داۋىل تۇرادى، سولتۇستىكتە داۋىل تۇرادى، سولتۇستىك- باتىستا تۇندە جانە تاڭەرتەڭ تۇمان تۇسەدى.

اتىراۋدىڭ وڭتۇستىگىندە، باتىسىندا، اقمولا، پاۆلودار وبلىستارىنىڭ باتىسىندا، سولتۇستىك قازاقستان، شىعىس قازاقستان وبلىستارىنىڭ وڭتۇستىگىندە، اقتوبەنىڭ وڭتۇستىك-شىعىسىندا، باتىسىندا، وڭتۇستىگىندە، سولتۇستىگىندە، ماڭعىستاۋ وبلىسىنىڭ ورتالىعىندا، ۇلىتاۋ وبلىسىنىڭ ورتالىعىندا ءورت قاۋپى ساقتالادى.

الماتى، جامبىل، قىزىلوردا، تۇركىستان وبلىستارىندا، جەتىسۋ وبلىسىندا، قاراعاندى وبلىسىنىڭ باتىسىندا، شىعىسىندا، وڭتۇستىگىندە جانە ۇلىتاۋ وبلىسىندا، اقتوبە وبلىسىنىڭ ورتالىعىندا، ماڭعىستاۋدىڭ سولتۇستىك- باتىسىندا، قوستاناي وبلىسىنىڭ وڭتۇستىك-باتىسىندا، اباي وبلىسىنىڭ وڭتۇستىگىندە توتەنشە ءورت قاۋپى ساقتالادى.

وسىعان دەيىن ءورت قاۋىپسىزدىگى تالابىن بۇزعاندار 52 ميلليون تەڭگە ايىپپۇل ارقالاعانى تۋرالى جازدىق.