قازگيدرومەت 5-تامىز كۇنى 8 وبلىستا كۇن اپتاپ ىستىق بولاتىنىن ەسكەرتتى

«قازگيدرومەت» ر م ك ەل اۋماعىندا 5-تامىزدا بولاتىن قاۋىپتى مەتەورولوگيالىق قۇبىلىستارعا بولجام جاسادى.

اتموسفەرالىق فرونتالدى بولىمدەر قازاقستاننىڭ باسىم بولىگىندە تۇراقسىز اۋا رايىن ساقتايتىن بولادى: نايزاعايمەن جاڭبىر، بۇرشاق جاۋىپ، داۋىل كۇتىلەدى، ەلىمىزدىڭ سولتۇستىك-شىعىسىندا، شىعىسىندا قاتتى جاڭبىر جاۋادى.

ەلىمىزدىڭ تەك وڭتۇستىگىندە جانە ورتالىعىندا جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيىپ، سولتۇستىك-باتىسىندا تۇندە جانە تاڭەرتەڭ تۇمان تۇسەدى.

«كۇندىز الماتى، باتىس قازاقستان، اتىراۋ، ماڭعىستاۋ، اقتوبە، جامبىل، جەتىسۋ وبلىستارىندا، ۇلىتاۋ وبلىسىنىڭ باتىسىندا قاتتى ىستىق بولادى.

باتىس قازاقستان، اتىراۋ، ماڭعىستاۋ وبلىستارىنىڭ وڭتۇستىگىندە وتە قاتتى ىستىق كۇتىلەدى.

الماتى، اتىراۋ، جەتىسۋ، اباي وبلىستارىندا، ۇلىتاۋ وبلىسىنىڭ سولتۇستىگىندە، شىعىسىندا، قاراعاندى وبلىسىنىڭ باتىسىندا، سولتۇستىگىندە، وڭتۇستىگىندە، الماتى وبلىسىنىڭ سولتۇستىگىندە، وڭتۇستىگىندە، اقتوبە، باتىس قازاقستان وبلىستارىنىڭ وڭتۇستىگىندە، شىعىس قازاقستان وبلىسىنىڭ ورتالىعىندا، شىعىسىندا، وڭتۇستىك-شىعىسىندا، پاۆلودار وبلىسىنىڭ شىعىسىندا، وڭتۇستىك-شىعىسىندا، ورتالىعىندا، اقمولا وبلىسىنىڭ وڭتۇستىك- باتىسىندا، ورتالىعىندا جوعارى ءورت ءقاۋپى ساقتالادى»، - دەپ جازدى سينوپتيكتەر.

ماڭعىستاۋ، قىزىلوردا، تۇركىستان، جامبىل، الماتى، ۇلىتاۋ، جەتىسۋ وبلىستارىندا، اتىراۋ وبلىسىنىڭ وڭتۇستىك بولىگىندە، قوستاناي، اقتوبە، شىعىس قازاقستان، اباي وبلىستارىنىڭ وڭتۇستىگىندە توتەنشە ءورت قاۋپى ساقتالادى.