كاسىپورىننىڭ دەرەكتەرىنە قاراعاندا، ءساۋىردىڭ 12 ءسى كۇنى قازاقستان اۋماعىنىڭ باسىم بولىگىندە اتموسفەرالىق فرونتالدى بولىمدەردىڭ وتۋىمەن كۇن قۇبىلمالى بولادى.
نايزاعاي ويناپ جاڭبىر جاۋادى، ەلدىڭ سولتۇستىك- باتىسىندا جاڭبىر مەن قار تۇرىندە جاۋىن-شاشىن، كەيدە قاتتى جاۋىن-شاشىن (جاڭبىر، قار) بولادى.
تەك رەسپۋبليكانىڭ باتىسىندا، شىعىسىندا كۇن جاۋىن-شاشىنسىز بولادى.
ق ر بويىنشا جەل كۇشەيەدى، ەلدىڭ باتىسىندا، شىعىسىندا تۇمان، سولتۇستىگىندە، وڭتۇستىگىندە شاڭدى داۋىل تۇرادى، سولتۇستىگىندە بۇرشاق جاۋادى.
تۇندە، باتىس قازاقستان وبلىسىنىڭ باتىسىندا، سولتۇستىگىندە، اقتوبە، قوستاناي وبلىستارىنىڭ سولتۇستىگىندە، اتىراۋ وبلىسىنىڭ باتىسىندا 3 گرادۋس اياز كۇتىلەدى.
وسىعان دەيىن س ق و- دا سينوپتيكتەر كوكتەم مەن جاز مەزگىلىنە ارنالعان اۋا رايى بولجامىن جاسادى.