قازگيدرومەت 12-شىلدەگە ارنالعان اۋا رايى بولجامىن جاريالادى

 استانا. KAZINFORM -سينوپتيكتەر قازاقستاننىڭ باسىم بولىگىندە اۋا رايىنا بايلانىستى ەسكەرتۋ جاريالادى.

ەلىمىزدىڭ كوپ ايماعىندا اتموسفەرالىق فرونتالدى بولىكتەردىڭ وتۋىمەن كۇن كۇركىرەپ، جاڭبىر جاۋادى. باتىستا، سولتۇستىك-باتىستا، وڭتۇستىك-شىعىستا بۇرشاق جاۋىپ، ەكپىندى جەل سوعادى.

باتىستا، سولتۇستىك-باتىستا، رەسپۋبليكانىڭ وڭتۇستىك-شىعىسىنداعى تاۋلاردا بۇرشاق جاۋۋى مۇمكىن. نوسەر جاڭبىر كۇتىلۋدە.

تەك رەسپۋبليكانىڭ سولتۇستىگى مەن شىعىسىندا انتيسيكلون ەكپىنىمەن جاۋىن- شاشىنسىز اۋا رايى ساقتالادى. رەسپۋبليكا بويىنشا جەل كۇشەيەدى، تۇندە جانە تاڭەرتەڭ ەلىمىزدىڭ سولتۇستىگى مەن شىعىسىندا تۇمان تۇسەدى.

كۇندىز الماتى، قىزىلوردا وبلىستارىندا، جەتىسۋ وبلىسىندا قاتتى ىستىق بولادى.

ماڭعىستاۋ وبلىسىنىڭ سولتۇستىگىندە، اتىراۋ وبلىسىنىڭ ورتالىعىندا، باتىس قازاقستان وبلىسىنىڭ وڭتۇستىك-باتىسىندا، سولتۇستىگىندە، وڭتۇستىگىندە، وڭتۇستىك-شىعىسىندا، باتىسىندا، اقتوبەنىڭ وڭتۇستىك-شىعىسىندا، باتىس ايماعىندا، جامبىل وبلىستارىنىڭ شىعىسىندا جوعارى ءورت قاۋپى ساقتالادى.

سونداي- اق تۇركىستان، قىزىلوردا، ماڭعىستاۋ وبلىستارىنىڭ باتىسىندا، سولتۇستىگىندە، باتىسىندا، وڭتۇستىگىندە، ۇلىتاۋ وبلىسىنىڭ ورتالىعىندا، قوستانايدىڭ وڭتۇستىگىندە، اتىراۋ وبلىستارىنىڭ وڭتۇستىك-شىعىسىندا دا جوعارى ءورت قاۋپىنە قاتىستى ەسكەرتۋ جاسالدى.