«قازمۇنايگاز» كوميسسياسى اتىراۋ مۇنايىن وڭدەۋ زاۋىتىن تەكسەرۋدى باستادى
اتىراۋ. KAZINFORM - «قازمۇنايگاز» ۇ ك تاراپىنان قۇرىلعان ارنايى كوميسسيا اتىراۋ مۇناي وڭدەۋ زاۋىتىندا تەكسەرۋ جۇمىسىن باستادى.
ارنايى كوميسسيا قۇرامىنا ەنگەن ماماندار الەۋمەتتىك جەلىدە جاريالانعان كاسىپورىن تۋرالى اقپاراتتى جان-جاقتى زەرتتەيدى.
«قازمۇنايگاز» ۇ ك ا ق باسقارما ءتوراعاسىنىڭ ورىنباسارى دميتري ماكەيەۆتىڭ ايتۋىنشا، اتىراۋ مۇناي وڭدەۋ زاۋىتىنىڭ وندىرىستىك، قارجى جانە قۇقىقتىق قىزمەتىنە تولىق تەكسەرۋ جۇرگىزىلەتىن بولادى. كومپانيا بارلىق تۋىنداعان ماسەلەنى زاۋىت قىزمەتكەرلەرىمەن اشىق تالقىلاۋعا دايىن.
«بۇگىن كاسىپورىندا ءوندىرىس ماسەلەلەرىنە ارنالعان كەڭەس وتكىزدى. جيىندا زاۋىتتىڭ جۇمىس ىستەپ تۇرعانى جانە مۇناي ونىمدەرىن شتاتتىق رەجيمدە جونەلتىپ جاتقانى اتاپ ءوتىلدى. كومپانيا تاراپىنان اتىراۋ مۇناي وڭدەۋ زاۋىتىنىڭ وندىرىستەگى قىزمەتكەرلەرى ءۇشىن ءتيىستى جاعداي جاساۋ ءۇشىن بارلىق قاجەتتى شارالار قابىلدانىپ جاتىر. ارنايى كوميسسيا قالىپتاسقان جاعدايدى وبەكتيۆتى تۇردە قاراستىرادى. كاسىپورىن ۇجىمىنىڭ بۇگىنگى تاڭداعى باستى تالابى - ۇزدىكسىز ءوندىرىستى قامتاماسىز ەتۋ جانە جونەلتۋ قارقىنىن ساقتاپ قالۋ»، - دەدى دميتري ماكەيەۆ.
ەسكە سالا كەتەلىك، بۇدان بۇرىن اتىراۋ مۇناي وڭدەۋ زاۋىتىنداعى جاعداي بويىنشا جۇمىس توبى قۇرىلعانىن حابارلانعان ەدى.