قازاۆتوجول بيىل قانداي جوبالاردى قولعا الادى

  استانا. KAZINFORM - «قازاۆتوجول» ۇ ك» ا ق بيىل ۇزىندىعى 96 شاقىرىم بولاتىن 2 جوبانى ىسكە اسىرۋدى جوسپارلاپ وتىر.

«قازاۆتوجول» ۇ ك» ا ق 2024 -جىلى ۇزىندىعى 96 شاقىرىم بولاتىن «اقتوبە- ۇلعايسىن» (56 شاقىرىم) جانە «جازقازعان- قاراعاندى» (40 شاقىرىم) جوبالارىنا كىرىسۋدى جوسپارلاپ وتىر.

«ولاردىڭ قازىرگى ۋاقىتتا جوبالىق-سمەتالىق قۇجاتتاماسى بار دەسە دە بولادى. «جەزقازعان- قاراعاندى» جوباسى بويىنشا 2 ۋچاسكەگە (40 شاقىرىم) «مەمساراپتاما» ر م ك ساراپتاماسى الىندى. مەردىگەر ۇيىمدى انىقتاۋ ءۇشىن تەنلەرلىك قۇجاتتاما ازىرلەنىپ جاتىر. بيىلعا قۇرىلىس- مونتاجداۋ جۇمىستارىن باستاۋ ءۇشىن 20 ميلليارد تەڭگە بولىنگەن»، - دەلىنگەن اتالعان كومپانيانىڭ اگەنتتىك ساۋالىنا بەرگەن جاۋابىندا.

ال «اقتوبە- ۇلعايسىن» جوباسىنىڭ 2 ۋچاسكەسىنە ساراپتاما قورىتىندىسى الىنىپ، تەندەر جاريالانعان.

2024 -جىلى 3-قاڭتاردا وتىنىمدەردى اشۋ ءراسىمى ءوتتى. قازىرگى ۋاقىتتا وتىنىمدەر قاراستىرىلىپ جاتىر.

«763-791 شاقىرىمدى قامتيتىن 1 ۋچاسكە بويىنشا قاراۋ قورىتىندىسىن كۇتىپ وتىرمىز. 2024 -جىلعا قۇرىلىس- مونتاجداۋ جۇمىستارىن باستاۋعا 16 ميلليارد تەڭگە ءبولىنىپ وتىر»،-دەدى كومپانيادان.