استانا. قازاقپارات - 2025 -جىلعى 4-قاراشا كۇنى ەلىمىزدىڭ ءبىرقاتار وڭىرىندە اۋا رايىنىڭ ناشارلاۋىنا بايلانىستى جۇرگىزۋشىلەرگە جولدا اباي بولۋ ەسكەرتىلەدى.
- اباي، اقمولا، الماتى، جامبىل، جەتىسۋ، سولتۇستىك قازاقستان، تۇركىستان، قاراعاندى، پاۆلودار، شىعىس قازاقستان جانە ۇلىتاۋ وبلىستارىنىڭ كەي جەرلەرىندە قار ارالاس جاڭبىر مەن قار جاۋادى.
وسىعان بايلانىستى جۇرگىزۋشىلەرگە جىلدامدىق رەجيمىن جانە اراقاشىقتىقتى قاتاڭ ساقتاۋ، جولدارداعى كوكتايعاق پەن تومەن كورىنۋ جاعدايلارىن ەسكەرۋ ۇسىنىلادى، - دەلىنگەن قازاۆتوجول حابارلاماسىندا.
قوسىمشا اقپاراتتى تاۋلىك بويى جۇمىس ىستەيتىن 1403 بايلانىس ورتالىعىنان الۋعا بولادى.
ايتا كەتەيىك، بۇعان دەيىن ۆەدومستۆو كوكتايعاق سالدارىنان كولىكتەردىڭ جول جيەگىنە شىعىپ كەتۋى جيىلەگەنىن مالىمدەگەن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан