ۇلتتىق شيپاگەرلىكپەن اينالىساتىن قانداسىمىز قىتايدا ۇزدىكتەر قاتارىنان كورىندى - شەتەلدەگى قازاق باسپا ءسوزى
Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
قورعاستا حالىقارالىق تاۋارلىق ساۋدا كورمەسى وتەدى - Harajorga
4-6-شىلدە ارالىعىندا قورعاس قالاسىندا «ورتالىق ازيانىڭ ەرەكشەلىگى، قورعاستاعى ىسكەرلىك مۇمكىندىكتەر» تاقىرىبىمەن ورتالىق ازيا (قورعاس) تاۋارلىق ساۋدا كورمەسى وتەدى، دەپ حابارلايدى قىتايلىق Harajorga باسىلىمى.
اتالعان كورمە قارجى قوسۋ ىنتىماقتاستىعى، قىتاي تاۋارلارى جانە ورتالىق ازيا تاۋارلارى سىندى ءۇش نەگىزگى تاقىرىپتىق جوبا بويىنشا جوسپارلانىپ وتىر.
مۇندا ينۆەستيسيا جانە ىنتىماقتاستىق، توقىما بۇيىمدار، كيىم-كەشەك، اۋىلشارۋاشىلىق ونىمدەرى مەن ازىق-تۇلىك، ەلەكترومەحانيكالىق جابدىقتار جانە ترانسشەكارالىق لوگيستيكا سياقتى 10-نان استام نەگىزگى سالا قامتىلادى.
ونىڭ ىشىندە قىتاي (شينجاڭ) پيلوتتىق ەركىن ساۋدا ايماعىنىڭ قورعاس ايماعىن جوعارى ساپالى دامىتۋ ءسامميتى فورۋمى جانە ورتالىق ازيا اۋىلشارۋاشىلىق ونىمدەرىن جەتكىزۋ تىزبەگى ىنتىماقتاستىعى ءسامميتى سياقتى 20-دان استام قولداۋ شارالارى ءبىر ۋاقىتتا وتەدى.
قىتايلىق ب ا ق-تىڭ حابارلاۋىنشا، ساۋدا مينيسترلىگىندە تىركەلگەن ۇلتتىق دەڭگەيدەگى بۇل ماڭىزدى كورمە - قىتاي مەن ورتالىق ازيانىڭ بەس ەلىنىڭ ەكونوميكالىق جانە ساۋدا ىنتىماقتاستىعىن تەرەڭدەتۋ. سونداي-اق «ءبىر بەلدەۋ، ءبىر جول» حالىقارالىق جوباسىن دامىتۋدى كوزدەيدى.
مەملەكەت باسشىلارىنىڭ ديپلوماتيالىق ستراتەگياسى مەن قىتاي- ورتالىق ازيا ىنتىماقتاستىعى مەحانيزمىن ىلگەرىلەتۋ بويىنشا شينجاڭ جىبەك جولى ەكونوميكالىق بەلدەۋىنىڭ نەگىزگى ايماعى رەتىندەگى ارتىقشىلىقتارىن كەڭەيتۋدى جالعاستىرۋدا. قىتاي ەلى ورتالىق ازيا مەن ەۋروپانى بايلانىستىراتىن «التىن پورتى» رەتىندە قورعاس ءوزىنىڭ ساياسي ارتىقشىلىقتارىنىڭ ارقاسىندا حالىقارالىق ساۋدا جانە لوگيستيكالىق حابقا اينالدى، دەپ جازادى قىتايلىق باق.
تاشكەنت تورىندەگى تاريحي جيىن: پارلامەنتارالىق وداقتىڭ 150-اسسامبلەياسى ءوز مارەسىنە جەتتى - ءوز ا
وتكەن اپتادا، اتاپ ايتقاندا 2025 -جىلدىڭ 5- 9-ءساۋىرى ارالىعىندا تاشكەنت شاھارى دۇنيە ءجۇزىنىڭ نازارىنا ىلىكتى. سەبەبى بۇل كۇندەرى وزبەكستان استاناسىندا پارلامەنتارالىق وداقتىڭ 150 جىلدىعىنا ارنالعان مەرەيتويلىق اسسامبلەيا ءوتتى. وسى ماڭىزدى شارانىڭ قورىتىندىسى جايلى ءوزا اگەنتتىگىنىڭ ءتىلشىسى پارلامەنتارالىق وداقتىڭ پرەزيدەنتى تۋليا ەكسونمەن سۇحباتتاسقان.
ۇيىم باسشىسىنىڭ ءوز سوزىنشە، مەرەيتويلىق اسسامبلەيانىڭ وزبەكستاندا ءوتۋى وزبەكستاندىقتار ءۇشىن زور مارتەبە. سونداي- اق، ول بۇل جيىندا وزدەرىنىڭ مول تاجىريبە جيناعانىن، جاڭا يدەيالارعا جول اشىلعانىن تىلگە تيەك ەتكەن.
سونىمەن قاتار، وزبەكستان رەسپۋبليكاسىنىڭ پرەزيدەنتى بايانداما جاساعانى ايتىلادى.
وزبەكستاندىق ب ا ق-تىڭ دەرەگىنشە، اسسامبلەيا اياسىندا قابىلدانعان تاشكەنت دەكلاراتسياسى - ايتۋلى قۇجات. ول جينالعاندار تاراپىنان زور قوشەمەتكە يە بولدى. بۇل قۇجاتتا تۇراقتى دامۋ ماقساتتارى، الەۋمەتتىك پروگرەسس، ايەلدەر مەن جاستاردىڭ قوعامداعى ورنى، گەندەرلىك تەڭدىك سياقتى وزەكتى ماسەلەلەر قامتىلعان.
سونداي-اق وسى اپتادا «ءوز ا» اقپارات اگەنتتىگى «KAZINFORM»-عا سىلتەمە جاساپ «قازاقستان مەن وزبەكستان اقپارات سالاسىندا ارىپتەستىكتى نىعايتۋعا كەلىستى» دەگەن تاقىرىپتاعى اقپارات جاريالاندى.
استانا قالاسىندا وتكەن II ورتالىق ازيا مەديافورۋمى اياسىندا قازاقستان مەن وزبەكستان ەكىجاقتى حاتتاماعا قول قويعان بولاتىن.
ەستەرىڭىزگە سالا كەتەيىك، مادەنيەت جانە اقپارات ءمينيسترى ايدا بالايەۆا وزبەكستان رەسپۋبليكاسى پرەزيدەنتى اكىمشىلىگىنىڭ جانىنداعى اقپارات جانە بۇقارالىق كوممۋنيكاتسيالار اگەنتتىگىنىڭ ديرەكتورى اسادجون حودجايەۆپەن كەزدەسىپ، قازاقستاننىڭ ورتالىق ازيا وڭىرىندە ءبىرىڭعاي اقپاراتتىق كەڭىستىكتى نىعايتۋدى ۇنەمى قولدايتىنىن اتاپ ءوتتى.
ايتا كەتەيىك، استانادا وتكەن II ورتالىق ازيا مەديافورۋعا قازاقستان، وزبەكستان، قىرعىزستان، ازەربايجان، تاجىكستان، تۇرىكمەنستان، ۇلىبريتانيا، قىتاي، قاتار، رەسەي جانە باسقا دا ەلدەردەن 700-دەن استام دەلەگات قاتىسقان بولاتىن.
سونداي-اق تاراپتار اراسىنداعى ىنتىماقتاستىقتى كەڭەيتۋ جانە ءوزارا تاجىريبەلىك بايلانىستى دامىتۋ ماقساتىندا اقپاراتتىق سالاداعى ارىپتەستىكتى نىعايتۋعا باعىتتالعان بىرلەسكەن حاتتاماعا قول قويىلدى.
ەندى قىتاي مەن قازاقستاننىڭ جەمىس- كوكونىستەرىن تىكەلەي ساتىپ الۋعا بولدى- «حالىق گازەتى»
جاقىندا شينجاڭداعى ەڭ ءىرى جەمىس- كوكونىس كوتەرمە ساۋدا نارىعى مەن قازاقستاننىڭ جەمىس- كوكونىس نارىعى العاش رەت تىكەلەي بىرلەسكەن جەتكىزۋ جۇيەسىن ىسكە اسىرىپ، ەكى ەل اراسىنداعى ەكسپورتتىق قىزمەتتىڭ جاڭا مودەلىن سىناقتان وتكىزدى.
بۇل تۋرالى وسى اپتادا قىتايدىڭ «حالىق گازەتى» باسىلىمى حابارلادى.
اتالعان ب ا ق-تىڭ دەرەگىنشە، ىنتىماقتاستىقتىڭ جاڭا مودەلىنە سايكەس، شينجاڭ جيۋدين ساۋدا- لوگيستيكالىق توبىنىڭ جەمىس-كوكونىس كوتەرمە ساۋدا نارىعىندا جەمىستەر مەن كوكونىس ونىمدەرى تيەلگەن ترانسشەكارالىق توڭازىتقىش تىزبەكتى جۇك كولىكتەرى TIR (حالىقارالىق اۆتوموبيل كولىگى) جۇيەسى ارقىلى شەكارادان وتەدى.
كەلتىرىلگەن دەرەكتەرگە سۇيەنسەك، TIR حالىقارالىق اۆتوموبيل كولىگى جۇيەسىنىڭ «ءبىر جولدا تەكسەرۋ، جول بويى توقتاۋسىز» جۇرە بەرەتىن ارتىقشىلىقتارى ارقاسىندا قىتاي- قازاقستان شەكاراسىندا ساندىقتى ەكىنشى رەت اشىپ تەكسەرمەي-اق وتە الادى، بۇل تەكسەرۋ ۋاقىتىن ` عا قىسقارتتى. تاسىمالداۋ ۋاقىتى كەم دەگەندە 12 ساعات ۇنەمدەلدى.
«كەرى قايتار جولدا جۇك كولىكتەرى قازاقستاندا وندىرىلگەن زىعىر مايىن، بالدى، سيىر مەن قوي ەتىن تيەپ كەلەدى. وسىلايشا، ەكى باعىتتا بىرلەسكەن جەتكىزۋ جۇزەگە اسىپ، قىتاي مەن قازاقستان ءوزارا يگىلىككە قول جەتكىزىپ جاتىر» دەپ جازادى قىتايلىق باسىلىم.
سونداي-اق وسى اپتادا قىتايدىڭ حالىق گازەتى باسىلىمىندا «قىتايدىڭ Vحالىقارالىق تۇتىنۋ تاۋارلارى كورمەسىنە الەمدەگى ەڭ ۇزدىك ونىمدەر قويىلدى» دەگەن تاقىرىپتاعى اقپارات جارىق كورگەن بولاتىن.
اتالعان ب ا ق-تىڭ دەرەگىنشە، 13-ساۋىردە حاينان ولكەسى حايكوۋ قالاسىندا قىتايدىڭ V حالىقارالىق تۇتىنۋ تاۋارلارى كورمەسى اشىلدى. وندا ادام پىشىنىندەگى روبوت پوديۋمدارى، ينتەللەكتۋالدى دروندار، ءساندى كولىكتەر، زەرگەرلىك بۇيىمدار قويىلعان.
بۇل كورمەگە الەمنىڭ 71 ەلى مەن ايماعىنان 4100 دەن استام تۇتىنۋشى برەندتەرى كەلدى. ولار ساندىك، جاڭا تەحنولوگيا، سالاۋاتتىلىق، ەكولوگيالىق تۇتىنۋ، تومەن كەڭىستىكتەگى ەكونوميكا، ياحتا ەكونوميكاسى جانە باسقا دا حالىق اراسىندا تانىمال تۇتىنۋ تۇرلەرىنەن تۇرادى.
«ساادي باعى» - الەم ادەبيەتىنىڭ ەڭ ۇزدىك اۋدارىلعان تۋىندىسى اتاندى- ParsToday
دۇيسەنبى كۇنى سارايەۆو حالىقارالىق كىتاپ كورمەسىنىڭ سوڭعى كۇنىنە سايكەس، جارمەڭكەنىڭ تاڭدامالى جۇمىستارى 18 ءبولىم بويىنشا انىقتالىپ، تانىستىرىلدى، دەپ جازدى ParsToday اقپارات اگەنتتىگى.
اتالعان باسىلىمنىڭ حابارلاۋىنشا، 36-سارايەۆو حالىقارالىق كىتاپ كورمەسىندە الەم ادەبيەتىنىڭ بوسنيالىق، سەرب، حورۆات جانە كەرىسىنشە تىلدەرىنە ەڭ جاقسى اۋدارىلعان تۋىندىسى ءۇشىن سىيلىق «سااديدىڭ باعى» دەپ اۋدارىلعان كىتاپقا بەرىلدى.
بوسنيا جانە گەرتسەگوۆيناداعى يراننىڭ مادەني ورتالىعى مەن وسى ەلدىڭ دۋبراكنيكا باسپاسىنىڭ ىنتىماقتاستىعىمەن جانە يران يسلام مادەنيەتى مەن بايلانىستارى ۇيىمىنىڭ يسلامدىق ءبىلىم جانە گۋمانيتارلىق عىلىمداردى اۋدارۋ جانە باسىپ شىعارۋدى ۇيىمداستىرۋ ورتالىعىنىڭ قولداۋىمەن بوسنيالىق تىلىنە اۋدارىلعان بۇل حالىقارالىق كىتاپ كورمەسىندە العاش رەت تانىستىرىلدى. يران ادەبيەتىنىڭ بۇل تاماشا تۋىندىسىن مۋاممار كۋدريچ اۋدارعان.
يراندىق ب ا ق-تىڭ دەرەگىنشە، مۋمبايداعى يران يسلام رەسپۋبليكاسىنىڭ مادەنيەت ءۇيى «كارۆان وردۋ» ۇكىمەتتىك ەمەس ۇيىمى جانە «يسلام عىمحانا» مادەني كەشەنىمەن بىرلەسىپ، 21-ساۋىردە سااديدى ەسكە الۋ كۇنى مەن پارسى پروزاسى كۇنىنە وراي «ساادي شيرازي» تاقىرىبىندا كونفەرەنتسيا وتكىزبەك.
ايتا كەتەيىك، ساادي دەگەن اتپەن بەلگىلى ءابۋ مۇحامماد مۋشارراف اد- دين مۋسلەح يبن ابدۋللا يبن مۋشارراف حيجرانىڭ 7-عاسىرىنداعى يراندىق اقىن ءارى جازۋشى.
قازاقتىڭ ۇلتتىق مەديتسيناسىمەن اينالىساتىن دارىگەر مەملەكەتتىك ۇزدىكتەر قاتارىنان كورىندى - Harajorga
2024 -جىلعى «قىتاي ماتەريالدىق ەمەس مادەني مۇرالار جىلدىق تۇلعاسىنان» 100 كانديداتتىڭ اتىن اتادى. شينجاڭنان 3 ادام تاڭدالدى، دەپ حابارلايدى Harajorga.
قىتايلىق ب ا ق-تىڭ دەرەگىنشە، 16-ءساۋىر كۇنى 2024 -جىلعى «قىتاي ماتەريالدىق ەمەس مادەني مۇرالارى جىلدىق تۇلعاسىن» كورسەتۋ، ءتۇسىندىرۋ ءىس-شاراسى 100 ادامنىڭ ەسىمىن جاريالادى. اتالعان شاراعا وراي شينجاڭداعى ماتەريالدىق ەمەس مادەني مۇرالارى سالاسىنان 3 ادام مۇراگەر رەتىندە تاڭدالدى. سولاردىڭ ءبىرى مەملەكەت دارەجەلى ماتەريالدىق ەمەس مادەني مۇرا رەتىندە قازاقتىڭ ۇلتتىق شيپاگەرلىگىنىڭ (بۋلاپ ەمدەۋ، سۇيەك وتاشىلىعى، ۇسىكتى ەمدەۋ) مەملەكەت دارەجەلى وكىلدىك مۇراگەرى باقىتبەك قۇمارقاجى ۇلى بولدى.
«قىتاي ماتەريالدىق ەمەس مادەني مۇرالار جىلدىق تۇلعاسىن» كورسەتۋ، تانىستىرۋ جۇمىستارى 2017 -جىلدان بەرى 7 رەت وتكىزىلىپ، ماتەريالدىق ەمەس مادەني مۇرا تۇلعالارىنىڭ ىزگى ىستەرىن كورسەتۋ جانە جاڭعىرتۋ ارقىلى ونى قازىرگى قوعاممەن تىكەلەي ارالاسۋ ارقىلى حالىقتىڭ ومىرىنە قىزمەت وتەۋىن ىلگەرىلەتكەن.
بۇل ءىس-شارانى مادەنيەت جانە تۋريزم مينيسترلىگىنىڭ ماتەريالدىق ەمەس مادەني مۇرالار مەكەمەسىنىڭ جەتەكشىلىگىندە گۋانمين گازەتى ۇيىمداستىرعان. ولاردىڭ نەگىزگى باعىتى - ەل ىشىندەگى ماتەريالدىق ەمەس مادەني مۇرالاردىڭ وكىلدىك مۇراگەرلەرى، اتالعان سالاداعى جوبالاۋشىلار، كاسىپكەرلەر، ونەر وكىلدەرى، ماتەريالدىق ەمەس مادەني مۇرالاردى باسقارۋشىلار قاتارلىلاردى كوتەرمەلەۋ. كەلەسى قادامدا جوعارىداعى مەملەكەت بويىنشا تاڭدالعان 100 كانديداتتىڭ ىشىنەن 30 ىن ىرىكتەپ، سوڭعى باعالاۋعا قاتىستىرىپ، ەڭ سوڭىندا ۇزدىكتەرىن سايلايتىنى ايتىلادى.
د د س ۇ-عا مۇشە ەلدەر بولاشاقتا پاندەميامەن كۇرەسۋ ءۇشىن تاريحي كەلىسىمگە كەلدى- TRT
COVID-19 پاندەمياسى الەمدىك دەنساۋلىق ساقتاۋ جۇيەسىنىڭ ماڭىزدى ولقىلىقتارىن جارىققا شىعارعالى بەس جىل ءوتتى. د د س ۇ-عا مۇشە ەلدەر جاڭا جاھاندىق پاندەمياعا دايىندىق اياسىندا تەڭدىك، تەحنولوگيالاردى ءبولىسۋ جانە ىنتىماقتاستىق سياقتى ماسەلەلەردى قاراستىراتىن 32 بەتتىك كەلىسىمگە كەلدى.
بۇل تۋرالى تۇركيا راديو تەلەۆيزيا پورتالى حابارلادى.
اتالعان ب ا ق-تىڭ كەلتىرگەن مالىمەتتەرىنە سۇيەنسەك، ءۇش جىلعا سوزىلعان كەلىسسوز ناتيجەسىندە ەلدەر بولاشاق پاندەميالارمەن كۇرەسۋ جولدارىن انىقتايتىن ماڭىزدى كەلىسىم ماتىنىنە قول جەتكىزدى. بۇل كەلىسىم Covid-19 داعدارىسى كەزىندە جىبەرىلگەن قاتەلىكتەردى قايتالاماۋعا باعىتتالعان.
- بۇگىنگى ءتۇن قاۋىپسىز الەمگە قاراي ورتاق ساپارىمىزداعى ماڭىزدى كەزەڭدى بىلدىرەدى. بۇگىن جەنيەۆادا الەم ەلدەرى تاريح جازدى، - دەدى د د س ۇ باسشىسى تەدروس ادحانوم گەبرەيەسۋس.
كەلىسسوزدەر COVID-19 ميلليونداعان ادامدى ءولتىرىپ، ەكونوميكانى قۇلدىراتقاننان بەس جىلدان كەيىن قۇس تۇماۋى (H5N1)، قىزىلشا، مپوكس جانە ەبولا سياقتى جاڭا قاۋىپتەردەن كەيىن جۇرگىزىلدى.
«كەلىسسوزدەردىڭ سوڭعى كەزەڭى ا ق ش-تىڭ سىرتقى كومەكتى قىسقارتۋىمەن جانە ءدارى-دارمەكتەرگە تاريفتەردىڭ كوتەرىلۋىنە بايلانىستى كەيىنگە قالعان بولاتىن»، دەپ جازادى تۇركيالىق باق.
اۆتور
بەيسەن سۇلتان ۇلى