قازاقتىڭ عارىش تەحنولوگياسى ەكسپورتقا شىعادى

استانا. KAZINFORM - قازاق ينجەنەرلەرى قۇراستىرعان سپۋتنيك جۇيەسى العاش رەت ەكسپورتقا شىعادى. ەندى ءبىزدىڭ جەرسەرىكتى موڭعولدار پايدالانادى. بۇل تۋرالى Jibek Joly تەلەارناسىنىڭ جاڭالىقتارىندا ايتىلدى.

كەشە ەكى ەل ءتيىستى كەلىسىمدەرگە قول قويدى. بۇل-قاشىقتىقتان زوندتاۋ تەحنولوگيالارى. ەكى ەلگە دە جەردىڭ جاعدايىن تيىمدىرەك باقىلاۋعا، سۋ رەسۋرستارىن باسقارۋعا جانە قورشاعان ورتاداعى وزگەرىستەردى تالداۋعا مۇمكىندىك بەرەدى.

وسىلايشا موڭعول ينجەنەرلەرى قازاقستاننىڭ ۇلتتىق عارىش ورتالىعى بازاسىندا وسى ىسپەن اينالىسادى. ءبىزدىڭ ماماندار ولاردى وقىتادى، ءبىلىمىن، كاسىبي بىلىكتىلىگىن ارتتىرادى. مۇنداي ءوزارا ارەكەتتەستىك ەكى ەلدىڭ عىلىمي جانە تەحنيكالىق ىنتىماقتاستىعىن نىعايتادى.