ب ج ز ق بولجامىنشا، 2050-جىلعا قاراي زەينەتاقى الۋشىلار سانى 2 ميلليونعا جەتۋى مۇمكىن.
بولاشاق زەينەتاقى مولشەرى
ب ج ز ق ەسەبىنە سايكەس، زەينەتاقىنىڭ جيىنتىق مولشەرى ەرلەر ءۇشىن بۇرىنعى ەڭبەك تابىسىنىڭ U ىن، ايەلدەر ءۇشىن G,7 ىن قۇراۋى مۇمكىن. ءبىراق بۇل جارنالار ۇزدىكسىز اۋدارىلعان جاعدايدا عانا ورىندالاتىن بولجام.
1998-جىلعا دەيىن ەڭبەك ءوتىلى جوق ازاماتتار ىنتىماقتى زەينەتاقى المايدى. سوندىقتان ولاردىڭ بولاشاق زەينەتاقىسى بازالىق تولەم مەن جەكە جيناقتارىنا كوبىرەك تاۋەلدى بولادى.
قازىرگى جاعداي قانداي؟
2025-جىلدىڭ سوڭىندا قازاقستاندا 2,491 ميلليون زەينەتكەر بولدى. ورتاشا جيىنتىق زەينەتاقى 143143 تەڭگەنى قۇرادى. بۇل سول جىلعى ورتاشا جالاقىنىڭ شامامەن 2,3 ىنا تەڭ.
سونىمەن قاتار، 2025-جىلدىڭ تامىزىندا بجزق- دا قايتىس بولعان، ءبىراق مۇراگەرلەرى تالاپ ەتپەگەن شامامەن 280 مىڭ سالىمشىنىڭ 45,8 ميلليارد تەڭگە جيناعى بولعان.
زەينەتاقى ءومىر سۇرۋگە جەتە مە؟
2025-جىلى قازاقستاندا جان باسىنا شاققانداعى ورتاشا ايلىق شىعىن شامامەن 107,7 مىڭ تەڭگە بولدى. ونىڭ باسىم بولىگى ازىق-تۇلىككە، باسقا تاۋارلار مەن قىزمەتتەرگە جۇمسالعان. ال قارتايعان سايىن ءدارى-دارمەك پەن مەديتسينالىق قىزمەتكە كەتەتىن شىعىن ارتۋى مۇمكىن.
Mercer جانە CFA Institute ۇيىمدارىنىڭ 2025-جىلعى جاھاندىق زەينەتاقى يندەكسىندە قازاقستان 52 ەلدىڭ اراسىندا 26-ورىن الدى.
قورىتىندى: ءومىر ءسۇرۋ ۇزاقتىعىنىڭ ارتۋى زەينەتاقى جۇيەسىنە جاڭا تالاپتار قويادى. بولاشاقتا قارتتىق شاقتى قارجىلاي قامتاماسىز ەتۋ ءۇشىن مەملەكەتتىك تولەمدەرمەن قاتار، ادامنىڭ جەكە زەينەتاقى جيناعى دا ماڭىزدى بولا تۇسەدى.