قازاقستاندىقتارعا ماڭىزدى ەسكەرتۋ جاسالدى

استانا. KAZINFORM - قازاقستاندىقتاردى قارجى نارىعىن رەتتەۋ جانە دامىتۋ اگەنتتىگىنىڭ قىزمەتكەرلەرى بولىپ تانىستىراتىن الاياقتاردان ساق بولۋعا شاقىردى. قاسكويلەر ازاماتتاردىڭ اقشاسىن يەمدەنۋ ءۇشىن ءتۇرلى سىلتاۋمەن الدىن الا تولەم تالاپ ەتەدى.

Фото: Қаржы нарығын реттеу және дамыту агенттігі

الاياقتار وزدەرىن اگەنتتىك قىزمەتكەرلەرى رەتىندە تانىستىرادى نەمەسە ازاماتتاردى اداستىرۋ، مەملەكەتتىك ورگانمەن رەسمي ءوزارا ءىس-قيمىلدىڭ كورىنىسىن جاساۋ جانە وسى سىلتاۋمەن قولما-قول اقشانى يەمدەنۋ ءۇشىن ونىڭ قىزمەتكەرلەرىنىڭ اتى-جوندەرىن پايدالانادى.

اگەنتتىك بۇل ارەكەتتەرگە قاتىسى جوق ەكەنىن رەسمي تۇردە مالىمدەيدى. اگەنتتىك قىزمەتكەرلەرىنىڭ اتى-ءجونى مەن لاۋازىمدارىن پايدالانۋ ۇسىنىلاتىن وپەراتسيالاردىڭ زاڭدىلىعىن كورسەتپەيدى جانە قولما-قول اقشانى قايتارۋعا كەپىلدىك بەرمەيدى.

وسىعان بايلانىستى اگەنتتىك ازاماتتاردىڭ نازارىن مىنالارعا اۋدارادى: اگەنتتىكتە قارجىلىق وپەراتسيالاردى جۇرگىزۋگە، اقشالاي قاراجاتتى قايتارۋعا نەمەسە وتەماقى الۋعا ارنالعان رەسمي Telegram-بوتتار جوق. اگەنتتىك قىزمەتكەرلەرى ازاماتتاردىڭ اقشالاي قاراجاتىن تارتپايدى، ينۆەستيتسيالىق ونىمدەردى ۇسىنبايدى جانە كوميسسيالاردى، ينكاسساتسيا الىمدارىن نەمەسە وزگە دە الدىن الا تولەمدەردى تولەۋدى تالاپ ەتپەيدى. اگەنتتىك دەلدالدار، Telegram-بوتتار جانە بوتەن اككاۋنتتار ارقىلى ازاماتتاردىڭ اقشالاي قاراجاتىن قايتارۋدى جۇزەگە اسىرمايدى.

اگەنتتىكتىڭ قىزمەتكەرلەرى تەرگەۋدى سۇيەمەلدەۋ، قىلمىستىق قۋدالاۋدى توقتاتۋ، قىلمىستىق ىستەردى رەتتەۋ نەمەسە قۇقىق قورعاۋ ورگاندارىنىڭ قۇزىرەتىنە جاتاتىن وزگە دە ماسەلەلەردى شەشۋ ءۇشىن تاعايىندالمايدى.

- اگەنتتىككە الدىن الا تەرگەۋ، انىقتاۋ جانە جەدەل-ىزدەستىرۋ قىزمەتىن جۇرگىزۋ وكىلەتتىكتەرى بەرىلمەگەن، سونداي-اق جەكە تۇلعالارعا قاتىستى قىلمىستىق ىستەر بويىنشا ءىس جۇرگىزۋدى جۇزەگە اسىرمايدى. اگەنتتىك قىزمەتكەرلەرى تەرگەۋدى سۇيەمەلدەۋ، قىلمىستىق قۋدالاۋدى توقتاتۋ، قىلمىستىق ىستەردى رەتتەۋ نەمەسە قۇقىق قورعاۋ ورگاندارىنىڭ قۇزىرەتىنە جاتاتىن وزگە دە ماسەلەلەردى شەشۋ ءۇشىن تاعايىندالمايدى، - دەپ ەسكەرتتى ماماندار.

اگەنتتىك بەلگىلى ءبىر اقىعا اقشالاي قاراجاتتى قايتارۋعا، قىلمىستىق قۋدالاۋدى توقتاتۋعا، قىلمىستىق ىستەردى رەتتەۋگە نەمەسە اگەنتتىك اتىنان قارجىلىق وپەراتسيالاردى جۇرگىزۋگە جاردەمدەسۋدىڭ كەز كەلگەن ۇسىنىسى ىقتيمال الاياقتىقتىڭ بەلگىلەرى بولىپ تابىلاتىنىن ەرەكشە اتاپ كورسەتەدى.

الاياقتىق ارەكەتتەردى بولعىزباۋ ماقساتىندا اگەنتتىك ازاماتتارعا:

وزدەرىن اگەنتتىكتىڭ نەمەسە وزگە دە مەملەكەتتىك ورگانداردىڭ قىزمەتكەرلەرى دەپ تانىستىراتىن ادامدارعا اقشالاي قاراجاتتى اۋدارماۋعا؛

اقشالاي قاراجاتتى بۇعاتتان شەشۋ، قايتارۋ نەمەسە اۋدارۋ سىلتاۋىمەن كوميسسيالاردى، ينكاسساتسيا ءۇشىن الىمداردى جانە وزگە دە تولەمدەردى تولەمەۋگە؛

وزدەرىن اگەنتتىكتىڭ رەسمي ارنالارى رەتىندە تانىستىراتىن Telegram-بوتتارعا، اككاۋنتتار مەن چاتتارعا سەنبەۋگە؛

جالعان قوزعالعان قىلمىستىق ىستەر، تاعايىندالعان تەرگەۋلەر نەمەسە ازاماتتارعا اگەنتتىك قىزمەتكەرلەرىنىڭ بەكىتىلگەنى تۋرالى حابارلايتىن ادامداردىڭ تالاپتارىن ورىنداماۋعا؛

كەلىپ تۇسەتىن اقپاراتتىڭ دۇرىستىعىن تەك رەسمي دەرەككوزدەر ارقىلى تەكسەرۋگە؛

SMS- حابارلامالاردان الىنعان دەربەس دەرەكتەردى، بانك دەرەكتەمەلەرىن، قۇپياسوزدەر مەن راستاۋ كودتارىن ءۇشىنشى تۇلعالارعا بەرمەۋگە؛

كۇدىكتى قوڭىراۋلار مەن حابارلامالار العان كەزدە ولاردى جونەلتۋشىلەرمەن قارجىلىق قاتىناستارعا تۇسپەۋگە جانە وسىنداي فاكتىلەر تۋرالى قۇقىق قورعاۋ ورگاندارىنا دەرەۋ حابارلاۋعا قاتاڭ ۇسىنىس بەرەدى.

اگەنتتىك ازاماتتاردى قىراعىلىق تانىتۋعا جانە الاياقتاردىڭ مەملەكەتتىك ورگانداردىڭ اتاۋلارىن، لاۋازىمدارىن جانە رامىزدەرىن پايدالانۋى زاڭعا قايشى ارەكەتتەردى زاڭدى ەتىپ كورسەتۋ تاسىلدەرىنىڭ ءبىرى بولىپ تابىلاتىنىن ەستە ۇستاۋعا شاقىرادى.

اگەنتتىكتىڭ قىزمەتى تۋرالى وزەكتى جانە انىق اقپارات اگەنتتىكتىڭ رەسمي ينتەرنەت-رەسۋرسىندا جانە الەۋمەتتىك جەلىلەردەگى پاراقشالارىندا ورنالاستىرىلادى.

ەسكە سالا كەتەيىك، بۇعان دەيىن الاياقتار قازاقستاندىقتارعا زەينەتاقى جيناقتارىن قولما-قول اقشاعا اينالدىرۋدى ۇسىنا باستاعانىن جازعان ەدىك.

ب ج ز ق مالىمەتىنشە، الاياقتار سالىمشىلارعا تەلەفون شالادى نەمەسە مەسسەندجەرلەر ارقىلى حابارلاما جىبەرىپ، وزدەرىن قور قىزمەتكەرلەرى رەتىندە تانىستىرادى. ولار زەينەتاقى جارنالارى تۇسپەگەنىن، زەينەتاقى قايتا ەسەپتەلەتىنىن نەمەسە ازاماتتارعا قوسىمشا تولەمدەر تيەسىلى ەكەنىن ايتىپ، جالعان اقپارات تاراتادى.