- 2019-جىلى ەلىمىزدەگى ورنالاستىرۋ ورىندارىنىڭ قىزمەتىن 5,29 ميلليون ىشكى تۋريست پايدالانسا، 2025-جىلى بۇل كورسەتكىش 8,66 ميلليون ادامعا جەتتى. وسىلايشا، جەتى جىل ىشىندە ەل ىشىندە ساياحاتتايتىن ازاماتتار سانى 3,37 ميلليون ادامعا ارتتى،- دەلىنگەن حابارلامادا.
سونىمەن قاتار قازاقستاننىڭ 2029-جىلعا دەيىنگى ۇلتتىق دامۋ جوسپارىندا ىشكى تۋريستەر سانىن 11 ميلليون ادامعا جەتكىزۋ مىندەتى بەلگىلەنگەن. وسى ماقساتتا تۋريستىك سالانى دامىتۋدىڭ جاڭارتىلعان تۇجىرىمداماسى اياسىندا التى باعىت بويىنشا 66 ءىس-شارا قاراستىرىلعان. نەگىزگى باسىمدىقتار - ينفراقۇرىلىمدى جەتىلدىرۋ، ينۆەستيتسيا تارتۋ، تۋريستىك ونىمدەردى دامىتۋ جانە قىزمەت كورسەتۋ ساپاسىن ارتتىرۋ.