جازدىڭ ءۇش ايىندا قازاقستاندىقتار كۇندەلىكتى ماسەلەلەرىن شەشۋ ءۇشىن «حالىققا قىزمەت كورسەتۋ ورتالىعى» قوسىمشاسىن بەلسەندى پايدالاندى. ازاماتتار قوسىمشا ارقىلى ەلەكتروندى كەزەككە جازىلىپ، جۇرگىزۋشى كۋالىگىن الۋعا ارنالعان ەمتيحاندارعا ءوتىنىش بەرگەن، سونداي-اق باسقا دا مەملەكەتتىك قىزمەتتەردى ونلاين العان.
بۇگىن مەملەكەتتىك كورپوراتسيا «قىزىقتى ستاتيستيكا» ايدارىندا جاز مەزگىلىندە قازاقستاندىقتار اراسىندا ەڭ كوپ سۇرانىسقا يە بولعان سەرۆيستەردى ۇسىندى.
ولاردىڭ مالىمەتىنشە، ءۇش ايدىڭ قورىتىندىسى بويىنشا «حالىققا قىزمەت كورسەتۋ ورتالىعى» قوسىمشاسىندا ەڭ كوپ سۇرانىسقا يە قىزمەتتەردىڭ قاتارىندا جۇرگىزۋشى كۋالىگىن العاش رەت الۋعا ءوتىنىش بەرۋ، تەوريالىق جانە پراكتيكالىق ەمتيحاندارعا جازىلۋ بار.
- اتاپ ايتقاندا، جۇرگىزۋشى كۋالىگىن العاش رەت الۋ قىزمەتىنە 281489 ءوتىنىش بەرىلگەن. ال تەوريالىق ەمتيحانعا جازىلۋ سەرۆيسىن 254340 ادام پايدالانعان. پراكتيكالىق ەمتيحانعا جازىلۋ قىزمەتىنە جاز بويى 141180 ءوتىنىش تۇسكەن. وسىلايشا، جۇرگىزۋشى كۋالىگىن الۋعا بايلانىستى ءۇش قىزمەتتىڭ وزىنە جاز ايلارىندا 677 مىڭنان استام ءوتىنىش بەرىلگەن، - دەلىنگەن حابارلامادا.
«حالىققا قىزمەت كورسەتۋ ورتالىعى» قوسىمشاسى ارقىلى ازاماتتار مەملەكەتتىك قىزمەتتەردى قاشىقتان الىپ، ح ق ك و-عا بارۋ ۋاقىتىن الدىن الا جوسپارلاي الادى.