قازاقستاندىق جەڭىل اتلەت ازيا ويىندارىنىڭ كۇمىس جۇلدەسىن جەڭىپ الدى

وتانداسىمىز ايەلدەر اراسىندا 400 مەترگە كەدەرگى ارقىلى جۇگىرۋدەن اقتىق سىندا ونەر كورسەتتى. فينالعا ەكىنشى ورىنمەن وتكەن قازاقستاندىق سپورتشى جارىستى جەتىنشى جولاقتان باستاپ، قورتىندىسىندا 54.58 سەكۋند ۋاقىتتا مارە سىزىعىن ەكىنشى بولىپ كەستى.

ب ا ءا سپورتشىسى كارىم ءماريام 54.31 سەكۋند ناتيجەمەن توپ جارسا، ينديالىق رامرادج ۆيتحيا قولا جۇلدەنى قاناعات تۇتتى.

ايتا كەتەرلىگى، قازاقستاندىق جەڭىل اتلەتتەر دەيزي دجەپكەمەي جانە نورا دجەرۋتو تانۋي ەندى ايەلدەر اراسىندا 5000 مەترگە جۇگىرۋدەن جارىس جولىنا شىعادى.

وسىعان دەيىن حابارلاعانىمىزداي، الەكسەي چۋركين اۋىر اتلەتيكادان الەم رەكوردىن جاڭارتىپ، ازيادانىڭ كۇمىس جۇلدەگەرى اتانعان بولاتىن.

سونىمەن قاتار اۋىر اتلەت نۇرعيسا ادىلەت ۇلى ەل قورجىنىنا كۇمىس مەدال سالدى.

اۆتور

مۇحتار قاليموللا ۇلى