استانا. KAZINFORM - قازاقستاندىق اۋىر اتلەت نۇرجان جۇماباي كاليدە (كولۋمبيا) ءوتىپ جاتقان جاسوسپىرىمدەر اراسىنداعى الەم چەمپيوناتىندا توپ جاردى.
وتانداسىمىز 88 كەلىگە دەيىنگى سالماقتا ەل نامىسىن قورعادى.
نۇرجان جۇماباي قوسسايىس قورىتىندىسى بويىنشا 348 (155 193) كەلىنى ەڭسەردى. سونداي- اق سەرپە كوتەرۋدە الەم رەكوردىن جاڭارتتى.
كۇمىس مەدالدى ەريك گۋادامۋد (يسپانيا) جەڭىپ الدى - 344 (156 188) كەلى. ال حوسە مانتيليا (مەكسيكا) ۇزدىك ۇشتىكتى تۇيىندەدى - 335 (151 184) كەلى.
ەسكە سالايىق، قازاقستاندىق اۋىر اتلەت ەرنۇر مىرزاحمەت كاليدە (كولۋمبيا) ءوتىپ جاتقان جاسوسپىرىمدەر اراسىنداعى الەم چەمپيوناتىندا قولا مەدال جەڭىپ الدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан