Airbus A320 ۇشاعىمەن FS 7989 رەيسى استانا حالىقارالىق اۋەجايىنان ساعات 07:55-تە ۇشتى. جول ءجۇرۋ ۋاقىتى 2 ساعات 25 مينۋت بولدى. قۇلجادا بورتتى اۆياتسيالىق ءداستۇر بويىنشا سۋ اركاسىمەن قارسى الدى.
جاڭا اۋە باعىتى بويىنشا تۇراقتى تىكەلەي رەيستەر اپتاسىنا ءۇش رەت - دۇيسەنبى، سارسەنبى جانە سەنبى كۇندەرى ورىندالادى.
- بۇگىندە قازاقستاندىق اۆياكومپانيا قىتايدىڭ شينجاڭ -ۇيعىر اۆتونوميالىق اۋدانىنداعى ەڭ ءىرى شەتەلدىك تاسىمالداۋشىعا اينالدى جانە ءبىز مۇنى ماقتان تۇتامىز. ايماققا تىكەلەي رەيستەر سۇرانىسقا يە بولا باستادى. ولاردى ىسكەر جولاۋشىلار، ساۋدا كومپانيالارى جانە شينجاڭعا العاش بارعان تۋريستەر تاڭدايدى. ءبىر كەزدەرى ول ۇلى جىبەك جولىنىڭ قيىلىسىندا جاتتى، ال بۇگىندە ول قازاقستان مەن قىتاي اراسىنداعى ساۋدا ورتالىعىنا اينالدى. ءبىز ونىمەن بىرگە دامۋعا جانە مۇندا جاڭا باعىتتار اشۋعا نيەتتىمىز، - دەپ اتاپ ءوتتى «FlyArystan» ا ق پرەزيدەنتى يوحان ەيدحاگەن.
اۋەكومپانيا الماتى، استانا جانە اقتاۋدى ءۇرىمجى جانە قۇلجا قالالارىمەن بايلانىستىرا وتىرىپ، قازاقستان مەن شينجاڭ اراسىندا ءتورت تىكەلەي مارشرۋتتى ورىندايدى.
بۇعان دەيىن جاڭا اۆيامارشرۋت استانانى قىتايلىق قۇلجامەن بايلانىستىراتىنى حابارلانعان بولاتىن.