وقۋ ءىس-شارالارىن قىتاي حالىق رەسپۋبليكاسى سۋ رەسۋرستارى مينيسترلىگىنىڭ اۋىلدىق جەرلەردى ەلەكترلەندىرۋ عىلىمي-زەرتتەۋ ينستيتۋتى جانە شاعىن گيدروەنەرگەتيكا جونىندەگى ازيا-تىنىق مۇحيتى وقۋ-زەرتتەۋ ورتالىعى (HRC) ۇيىمداستىرعان.
14-قازاندا «ءبىر بەلدەۋ - ءبىر جول» باستاماسىنا قاتىسۋشى ەلدەرگە ارنالعان سۋ رەسۋرستارىن باسقارۋ جانە ەكولوگيالىق ورنىقتى شاعىن گيدروەنەرگەتيكانى دامىتۋ» جانە «دامۋشى ەلدەرگە ارنالعان سۋ شارۋاشىلىعى تەحنولوگيالارى» تاقىرىپتارىنداعى سەمينارلار باستالدى. وقۋ ءىس- شارالارى 27-قازانعا دەيىن جالعاسادى.
بۇعان دەيىن، 9-22-قىركۇيەك ارالىعىندا حاڭجوۋ قالاسىندا «ءبىر بەلدەۋ - ءبىر جول» باستاماسىنا قاتىسۋشى ەلدەرگە ارنالعان يرريگاتسيا اۋداندارىن سالۋ جانە باسقارۋ» جانە «ازيا ەلدەرىنە ارنالعان ءىرى جانە ورتا يرريگاتسيا اۋداندارىن جاڭعىرتۋ جانە ورنىقتى دامىتۋ» تاقىرىپتارىندا سەمينارلار وتكەن.
قازاقستاندىق ماماندار قىتايدىڭ يرريگاتسيا ينفراقۇرىلىمىن سالۋ، جاڭعىرتۋ جانە پايدالانۋ، سۋ ۇنەمدەۋ تەحنولوگيالارىن ەنگىزۋ، سونداي-اق اۋىل شارۋاشىلىعىندا سۋدى پايدالانۋ تيىمدىلىگىن ارتتىرۋ باعىتىنداعى تاجىريبەسىن زەردەلەپ جاتىر. يرريگاتسيا اۋداندارىن جاڭعىرتۋعا، سۋدى ەسەپكە الۋ تەحنولوگيالارىنا، سورعى ستانتسيالارىنىڭ جۇمىسىنا جانە سۋارۋ جۇيەلەرىن باسقارۋدا تسيفرلىق شەشىمدەردى قولدانۋعا ەرەكشە نازار اۋدارىلىپ وتىر.
سونىمەن قاتار ورنىقتى دامۋدى قامتاماسىز ەتۋ جانە سۋ رەسۋرستارىن ساقتاۋ ماقساتىندا شاعىن سۋ ەلەكتر ستانتسيالارىن سالۋ مەن ولاردى ءتيىمدى پايدالانۋ جونىندەگى قىتاي تاجىريبەسى دە قاراستىرىلۋدا.
باعدارلاما تەوريالىق ساباقتار مەن تاجىريبەلىك نىساندارعا بارۋدى قامتيدى. قاتىسۋشىلار سۋ شارۋاشىلىعى ينفراقۇرىلىمىن پايدالانۋ جانە جاڭعىرتۋ تاجىريبەسىمەن، سونداي-اق سۋ رەسۋرستارىن باسقارۋدىڭ زاماناۋي تەحنولوگيالارىن قولدانۋ تاسىلدەرىمەن تانىسادى. سەمينارلار اياسىندا يرريگاتسيا جۇيەلەرىن دامىتۋ، سۋ ۇنەمدەۋ جانە سۋدى ءتيىمدى باسقارۋ ماسەلەلەرى بويىنشا قىتايلىق ساراپشىلارمەن تاجىريبە الماسۋ دا ۇيىمداستىرىلدى.
- باعدارلاما تەوريالىق ساباقتار مەن تاجىريبەلىك نىساندارعا بارۋدى قامتيدى. قاتىسۋشىلار سۋ شارۋاشىلىعى ينفراقۇرىلىمىن پايدالانۋ جانە جاڭعىرتۋ تاجىريبەسىمەن، سونداي-اق سۋ رەسۋرستارىن باسقارۋدىڭ زاماناۋي تەحنولوگيالارىن قولدانۋ تاسىلدەرىمەن تانىسادى. سەمينارلار اياسىندا يرريگاتسيا جۇيەلەرىن دامىتۋ، سۋ ۇنەمدەۋ جانە سۋدى ءتيىمدى باسقارۋ ماسەلەلەرى بويىنشا قىتايلىق ساراپشىلارمەن تاجىريبە الماسۋ دا ۇيىمداستىرىلدى،-دەدى سۋ رەسۋرستارى جانە يرريگاتسيا ۆيتسە- ءمينيسترى تالعات مومىشيەۆ.
وسىعان دەيىن ەلىمىزدە سۋ رەسۋرستارىن قالاي ۇتىمدى پايدالانۋعا بولاتىنى تۋرالى جازدىق.