Air Astana, Kazakh Tourism جانە بەس ءوڭىر كۇش بىرىكتىرىپ، حالىقارالىق نارىقتا قازاقستاننىڭ تۋريستىك الەۋەتىن كەڭىنەن تانىتۋعا كىرىستى. بۇل تۋرالى «Kazakh Tourism» ۇ ك» ءمالىم ەتتى.
21-قىركۇيەكتە الماتىدا «ەير استانا» ا ق، «Kazakh Tourism» ۇ ك» ا ق جانە قازاقستاننىڭ بەس وبلىسى 2027-جىلعا ارنالعان ستراتەگيالىق ىنتىماقتاستىق تۋرالى كەلىسىمگە قول قويدى. بۇل سەرىكتەستىكتىڭ ماقساتى - كىرۋ ءتۋريزمىن دامىتۋدى قولداۋدا سينەرگەيالىق اسەر قالىپتاستىرۋ، جولاۋشىلار لەگىن ۇلعايتۋ جانە قازاقستاننىڭ حالىقارالىق نارىقتاعى ورنىن نىعايتۋ.
كەلىسىمگە Air Astana Kazakh Tourism، استانا مەن الماتى اكىمدىكتەرى، سونداي-اق الماتى، اقمولا جانە ماڭعىستاۋ وبلىستارى قول قويدى. تاراپتار قازاقستاندى تۋريستىك باعىت رەتىندە ىلگەرىلەتۋ جونىندەگى بىرلەسكەن باستامالاردى ىسكە اسىرۋ ءۇشىن وزدەرىنىڭ ماركەتينگتىك، كوممۋنيكاتسيالىق جانە ۇيىمداستىرۋشىلىق رەسۋرستارىن بىرىكتىرەدى.
ىنتىماقتاستىق digital ناۋقانداردى وتكىزۋدى، ءىرى حالىقارالىق كورمەلەر مەن روۋد- شوۋلارعا قاتىسۋدى، حالىقارالىق سەرىكتەستەر مەن ب ا ق وكىلدەرى ءۇشىن تانىسۋ ساپارلارىن، B2B ءىس-شارالارىن، سونداي-اق باسىم نارىقتاردى بىرلەسىپ تالداۋدى قامتيتىن بولادى.
- شەتەلدىك مەيمانداردى تارتۋ - بۇل ەڭ الدىمەن بىرلەسكەن ەڭبەكتىڭ ناتيجەسى. مۇمكىندىكتەرىمىزدى ۇلتتىق اۋە كومپانياسىمەن جانە وڭىرلەرمەن توعىستىرۋ ارقىلى ءبىز سىرتقى نارىقتا قازاقستاننىڭ تانىمالدىلىعىن ارتتىرامىز، - دەپ اتاپ ءوتتى «Kazakh Tourism» ۇ ك» ا ق باسقارما ءتوراعاسى تالعات عازيزوۆ.
ونىڭ پىكىرىنشە، بۇل قادام ەلىمىزگە ساياحاتشىلاردىڭ تۇراقتى كەلۋىن قامتاماسىز ەتىپ، ايماقتارداعى قىزمەت كورسەتۋ سالاسى مەن بيزنەستىڭ وركەندەۋىنە جول اشادى
- ءبىزدىڭ ماقساتىمىز - قازاقستانعا حالىقارالىق اۋە تاسىمالدارىنىڭ ارتۋىمەن قاتار، كىرمە ءتۋريزمدى دە بىرلەسىپ دامىتۋ،-دەدى Air Astana كومپانيالار توبىنىڭ باس اتقارۋشى ديرەكتورى يبراحيم جانلىەل.
Air Astana وكىلىنىڭ ايتۋىنشا، قازاقستاندى شەتەلدىك ساياحاتشىلار ءۇشىن قولجەتىمدى ەتۋ، باي مادەني مۇرا مەن كورىكتى جەرلەردىڭ ارتۇرلىلىگى تۋرالى حاباردارلىقتى ارتتىرۋ، سونداي-اق قازاقستاندى تۋريستىك باعىت رەتىندە ىلگەرىلەتۋدى جوسپارلاپ وتىر.
- Kazakh Tourism جانە وڭىرلەرمەن تىعىز ىنتىماقتاستىقتىڭ ارقاسىندا ءبىز حالىقارالىق ماركەتينگتىك ءىس-شارالاردا سينەرگياعا قول جەتكىزە الامىز، قازاقستاندى جانە Air Astana جەلىسىن نەعۇرلىم ءتيىمدى ىلگەرىلەتەمىز، سونداي-اق قوناقتارىمىزدىڭ ساياحاتىنىڭ بارلىق كەزەڭىندە الەمدىك دەڭگەيدەگى سەرۆيستى قامتاماسىز ەتە الامىز،-دەيدى ول.