بۇل تۋرالى پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعاريننىڭ دەپۋتاتتىق ساۋالعا بەرگەن جاۋابىندا ايتىلعان.
ۇلتتىق ستاتيستيكا بيۋروسىنىڭ مالىمەتىنشە، ساناتوري-كۋرورتتىق ۇيىمداردىڭ ەڭ كوبى تۇركىستان وبلىسىندا ورنالاسقان. مۇندا 117 مەكەمە بار. الماتىدا – 34، الماتى وبلىسىندا – 22، استانا مەن اقمولا وبلىسىندا 20 مەكەمە جۇمىس ىستەيدى. شىمكەنتتە 20، قىزىلوردا وبلىسىندا – 17، جامبىل وبلىسىندا – 16، قاراعاندى وبلىسىندا 13 ساناتوري-كۋرورتتىق ۇيىم بار.
سەرىك جۇمانعاريننىڭ جاۋابىندا شيپاجايلاردىڭ باسىم بولىگى جەكە مەنشىككە تيەسىلى ەكەنى اتاپ وتىلگەن. وسىعان بايلانىستى قولدانىستاعى ەسەپ جۇيەسى ولاردىڭ ماتەريالدىق-تەحنيكالىق بازاسى، نومىرلىك جانە توسەك-ورىن قورى، جۇكتەمەسى مەن تابيعي ەمدىك رەسۋرستاردى پايدالانۋ دەڭگەيى تۋرالى تولىق مالىمەت بەرمەيدى.
بۇل ماسەلەنى شەشۋ ءۇشىن ۇكىمەت ساناتوري-كۋرورتتىق ۇيىمداردىڭ ءبىرىڭعاي رەەسترىن جاساۋدى كوزدەيتىن زاڭنامالىق تۇزەتۋلەر ازىرلەدى. قازىر ولار دەنساۋلىق ساقتاۋ ماسەلەلەرى جونىندەگى زاڭ جوباسى اياسىندا قارالىپ جاتىر.
ۇكىمەتتىڭ پايىمداۋىنشا، ءبىرىڭعاي رەەستر شيپاجايلار تۋرالى مالىمەتتەردى جۇيەلەپ، وسى سالانىڭ قازىرگى جاعدايىن نەعۇرلىم تولىق باعالاۋعا مۇمكىندىك بەرەدى.
بۇعان دەيىن قۇرىلتاي دەپۋتاتى ە. سمولياكوۆا قازاقستاننىڭ كۋرورتتىق الەۋەتىن دامىتۋ ماسەلەسىن كوتەرگەن ەدى.