قاي وڭىرلەردە كۇن جىلى بولادى؟
قازان ايىنىڭ سوڭعى كۇندەرى قازاقستاننىڭ باتىسى مەن وڭتۇستىگىندە كۇن جىلى بولادى. بۇل وڭىرلەردە اۋا تەمپەراتۋراسى كۇندىز 22 گرادۋسقا دەيىن كوتەرىلەدى. ال ەلدىڭ سولتۇستىگى مەن شىعىسىندا جاۋىن-شاشىن، نەگىزىنەن قار كۇتىلەدى.
سينوپتيكتەردىڭ بولجامىنشا، 29-31-قازان ارالىعىندا قازاقستاننىڭ باتىسىنداعى اۋا رايىنا اۋقىمدى انتيتسيكلون اسەر ەتەدى. سونىڭ ناتيجەسىندە وڭىردە نەگىزىنەن جىلى اۋا رايى ساقتالادى.
كۇندىز ەلىمىزدىڭ باتىسى مەن وڭتۇستىگىندە اۋا تەمپەراتۋراسى 17 22 گرادۋسقا دەيىن كوتەرىلەدى.
قاي وڭىرلەردە قار جاۋىپ، كۇن سۋىتادى؟
قازاقستاننىڭ سولتۇستىگى مەن شىعىسىندا، سونداي-اق وڭتۇستىك وبلىستاردىڭ تاۋلى اۋداندارىندا اتموسفەرالىق فرونتتاردىڭ اسەرىنەن جاۋىن-شاشىن كۇتىلەدى. كەي جەرلەردە قار جاۋادى.
تۇندە ەل اۋماعىنىڭ باسىم بولىگىندە اۋا تەمپەراتۋراسى نولدەن تومەندەيدى. كۇندىز سولتۇستىك، شىعىس جانە ورتالىق وڭىرلەردە اۋا تەمپەراتۋراسى 0 10 گرادۋس شاماسىندا بولادى.
قازاقستاندا قىس قانداي بولادى؟
بۇعان دەيىن سينوپتيكتەر قازاقستاندا الداعى قىستا قانداي اۋا رايى كۇتىلەتىنىن حابارلاعان ەدى. الدىن الا بولجام بويىنشا، 2026-2027-جىلدارداعى قىس سالىستىرمالى تۇردە جىلى بولادى. الايدا كەيبىر وڭىرلەردە جاۋىن-شاشىن مولشەرى كليماتتىق نورمادان اسۋى مۇمكىن.