تىركەلگەن تاۋارلاردىڭ ەڭ ۇلكەن ۇلەسىن كيىم-كەشەك پەن كۇندەلىكتى تۇتىنۋ تاۋارلارى.
ۇلتتىق تاۋارلار كاتالوگىنداعى وكترۋ ساناتتارى بويىنشا جۇرگىزىلگەن تالداۋ ناتيجەسىنە سايكەس، كوش باسىندا - كيىم-كەشەك پەن كۇندەلىكتى تۇتىنۋ تاۋارلارى. بۇل ساناتتا 8 ميلليوننان استام تاۋار تىركەلگەن، بۇل كاتالوگتاعى بارلىق تاۋارلاردىڭ ەلەۋلى بولىگىن قۇرايدى. ەكىنشى ورىندا - كولىك قۇرالدارى مەن كولىك جابدىقتارى. بۇل ساناتتا 2 ميلليوننان استام تاۋار ەسەپكە الىنعان. ءۇشىنشى ورىندا ينجەنەرلىك جۇيەلەرگە ارنالعان جابدىقتار مەن ماتەريالدار ورنالاسقان، وندا 1 ميلليوننان استام تاۋار تىركەلگەن.
العاشقى وندىققا سونداي-اق قۇرىلىس بۇيىمدارى، جيھاز جانە ينتەرەر تاۋارلارى، ازىق-تۇلىك پەن سۋسىندار، قۇرىلىس ماتەريالدارى، زەرگەرلىك بۇيىمدار، ماشينالار مەن جابدىقتار، سونداي-اق باسپا ونىمدەرى ەندى.
مۇنداي كورسەتكىشتەر قازاقستاننىڭ تۇتىنۋ تاۋارلارى نارىعىنىڭ قۇرىلىمىن ايقىن كورسەتەدى. سونىمەن قاتار، بۇل ۇلتتىق تاۋارلار كاتالوگىنىڭ ەڭ الدىمەن جاپپاي تۇتىنىلاتىن تاۋارلاردى وندىرۋشىلەر مەن يمپورتتاۋشىلار اراسىندا كەڭىنەن قولدانىلاتىنىن دالەلدەيدى. سەبەبى ءدال وسى سەگمەنتتەردە تاۋار اينالىمى جوعارى ءارى ءونىمنىڭ قاداعالانۋىنا قويىلاتىن تالاپ تا جوعارى.
ۇلتتىق تاۋارلار كاتالوگى - قازاقستان رەسپۋبليكاسىندا وندىرىلەتىن جانە ەلگە يمپورتتالاتىن بارلىق تاۋارلار تۋرالى مالىمەتتەردى قامتيتىن ءبىرىڭعاي مەملەكەتتىك اقپاراتتىق جۇيە. ۇ ت ك- نى ءبىرىڭعاي مەملەكەتتىك تاۋار انىقتامالىعى رەتىندە مىندەتتى تۇردە پايدالانۋ 2025 -جىلعى 18- شىلدەدەگى №215-VIII قازاقستان رەسپۋبليكاسىنىڭ زاڭىمەن بەكىتىلگەن.
كاتالوگتاعى ءاربىر تاۋارعا بىرەگەي NTIN سايكەستەندىرۋ كودى بەرىلەدى. بۇل - 13 تاڭبادان تۇراتىن ءنومىر. ول تاۋاردىڭ بۇكىل ومىرلىك سيكلى بارىسىندا: ءوندىرىس كەزىندە، يمپورتتاۋ، ساقتاۋ، وتكىزۋ، ەلەكتروندىق شوت- فاكتۋرالاردى راسىمدەۋ جانە باقىلاۋ-كاسسا ماشينالارىندا پايدالانىلادى. NTIN كودى تەگىن بەرىلەدى جانە مەرزىمسىز جارامدى.
2026 -جىلعى 1- شىلدەدەن باستاپ ۇلتتىق تاۋارلار كاتالوگىنىڭ تالاپتارىن ەنگىزۋگە ارنالعان وتپەلى كەزەڭ تولىق اياقتالدى. سوڭعى كەزەڭدە بۇل تالاپتار شاعىن جانە ميكروكاسىپكەرلىك سۋبەكتىلەرىنە، ونىڭ ىشىندە ءۇي ماڭىنداعى دۇكەندەرگە دە ەنگىزىلدى.
قازىرگى تاڭدا ساۋدا سالاسىنىڭ بارلىق قاتىسۋشى - ءىرى يمپورتتاۋشىلار مەن وندىرۋشىلەردەن باستاپ شاعىن ساۋدا ورىندارىنا دەيىن - ۇلتتىق تاۋارلار كاتالوگىن ءبىرىڭعاي تاۋار انىقتامالىعى رەتىندە پايدالانۋعا مىندەتتى.