قازاقستان ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى دەرەكتەرىنە سايكەس، بىلتىر ەلدەگى بالمۇزداق ءوندىرىسى 63,2 مىڭ تونناعا جەتىپ، ءبىر جىلدا %22- عا وسكەن. بۇل - 2000 -جىلداردىڭ باسىنان بەرگى ەڭ جوعارى كورسەتكىش.
جىل قورىتىندىسى بويىنشا بالمۇزداق ەكسپورتى %36,8- عا ارتىپ، 14,2 مىڭ توننانى قۇراعان. وسىلايشا ەكسپورت كولەمى يمپورتتان اسىپ ءتۇستى.
قازاقستاندىق بالمۇزداق نەگىزىنەن رەسەيگە، قىرعىزستانعا جانە وزبەكستانعا ەكسپورتتالادى. ال يمپورت كولەمى %5,1- عا تومەندەپ، 12,2 مىڭ تونناعا دەيىن قىسقارعان.
مينيسترلىك بۇل كورسەتكىش وتاندىق وندىرۋشىلەردىڭ ىشكى جانە سىرتقى نارىقتاعى باسەكەگە قابىلەتتىلىگىنىڭ ارتقانىن كورسەتەتىنىن اتاپ ءوتتى.
بيىل دا ءوسىم ساقتالعان. 2026 -جىلدىڭ قاڭتار-ناۋرىز ايلارىندا بالمۇزداق ءوندىرىسى %58,6- عا ءوسىپ، 14566 تونناعا جەتكەن.
سالاداعى نەگىزگى ەكسپورتتاۋشىنىڭ ءبىرى - Shin-Line كومپانياسى. كومپانيا قازاقستانداعى بالمۇزداق ەكسپورتىنىڭ %95- ىنا دەيىن قامتاماسىز ەتەدى.
- قازىرگى تاڭدا Shin-Line ت م د ەلدەرىندەگى بالمۇزداق وندىرۋشىلەر اراسىندا ءتورتىنشى ورىندا تۇر. وتكەن جىلى كومپانيانىڭ ەكسپورت كولەمى 14,2 مىڭ تونناعا جەتىپ، ەكسپورتتىق ءتۇسىمى 49 ميلليون دوللاردان اسقان. ونىمدەر قىتايعا، رەسەيگە، بەلارۋسكە، موڭعولياعا، كاۆكاز ەلدەرى مەن ورتالىق ازيا مەملەكەتتەرىنە جەتكىزىلەدى، - دەلىنگەن اقپاراتتا.
مينيسترلىك وندىرىستەگى وسىمگە ينفراقۇرىلىمعا سالىنعان ينۆەستيتسيالار اسەر ەتكەنىن اتاپ ءوتتى. ماسەلەن، بايسەركەدەگى 50 گەكتار اۋماقتا ورنالاسقان زاماناۋي زاۋىتقا 64 ميلليارد تەڭگە ينۆەستيتسيا سالىنعان. كاسىپورىندا 3500-دەن استام ادام جۇمىس ىستەيدى.
سونىمەن قاتار بىلتىر قازاقستاندىق بالمۇزداقتىڭ ورتاشا ەكسپورتتىق باعاسى 1 كەلىسى ءۇشىن 3,47 دوللارعا جەتكەن.
ايتا كەتەيىك، ب ق و ۋنيۆەرسيتەتىندە تۇيە سۇتىنەن بالمۇزداق پەن يوگۋرت جاساۋ قولعا الىندى.