اۋە قورعانىسى كۇشتەرىندەگى تىكۇشاقتار
مي-17 - الەمدەگى ەڭ كەڭ تاراعان تىكۇشاقتاردىڭ ءبىرى. ويتكەنى، ول - كوپ ماقساتتى، امبەباپ ءارى بيىكتە ۇشاتىن تەحنيكالىق سيپاتتامالارى اۋقىمدى.
بۇل تەحنيكا قۇرلىق اسكەرلەرى بولىمشەلەرىنىڭ ۇتقىرلىعىن ارتتىرۋعا، قارۋ-جاراق پەن جەكە قۇرامدى جەتكىزۋگە، بەرىلگەن نىسانالاردى جويۋعا ارنالعان. سونداي-اق تاۋلى جەرلەردە جانە جوعارى تەمپەراتۋرادا جاۋىنگەرلىك تاپسىرمالاردى ورىنداي الادى.
مي-35م - ۇرىس دالاسىندا قۇرلىق اسكەرلەرىن اۋەدەن قولداۋعا ارنالعان تىكۇشاق.
ول قارسىلاستىڭ ساۋىتتى تەحنيكاسى مەن ءتىرى كۇشىن جويۋعا باعىتتالعان.
اۋە قورعانىسى كۇشتەرى مي-8 جانە مي-171 تىكۇشاقتارىن پايدالانىپ، دەسانتتى ءتۇسىرۋ جانە ونى اتىسپەن قولداۋ جۇمىستارىن جۇرگىزەدى.
سونىمەن قاتار بۇل تىكۇشاقتار اتىس نۇكتەلەرىن جويۋعا، وق-ءدارى، قارۋ-جاراق، جۇكتەر، ونىمدەر مەن ءدارى- دارمەكتەردى تاسىمالداۋعا ارنالعان. ولاردىڭ مىندەتىنە سونداي-اق قارسىلاسقا كەدەرگى جاساۋ جانە جارالانعانداردى ۇرىس الاڭىنان ەۆاكۋاتسيالاۋ كىرەدى. بۇل تەحنيكانىڭ كوپقىرلى قولدانىلۋى اسكەري وپەراتسيالاردىڭ تيىمدىلىگىن ارتتىرۋعا باعىتتالعان.
ەو-145 جانە ن-145 ت ج م تىكۇشاقتارى توتەنشە جاعداي بولعان ايماقتاردان زارداپ شەككەندەردى ەۆاكۋاتسيالاۋعا باعىتتالعان. سونىمەن قاتار ولاردىڭ قىزمەتى - تابيعي اپاتتاردىڭ سالدارىن جويۋ، گۋمانيتارلىق جۇكتەردى تاسىمالداۋ، ىزدەستىرۋ- قۇتقارۋ جۇمىستارىن جۇرگىزۋ جانە ءورت ءسوندىرۋ. ت ج م اۆياتسياسى رەسپۋبليكا اۋماعىندا دا، شەتەلدەردە دە ەڭ جاۋاپتى مىندەتتەردى بىرنەشە رەت ورىندادى.
اۋە قورعانىسى كۇشتەرىندەگى ۇشاقتار
C-295 ۇشاعى 9 تونناعا دەيىن جۇك نە تولىق قارۋلانعان 70-تەي اسكەري قىزمەتشىنى تاسىمالداۋعا، سونداي-اق 5000 شاقىرىمعا دەيىنگى قاشىقتىقتى ەڭسەرۋگە قابىلەتتى.
ول زاماناۋي ناۆيگاتسيالىق جۇيەمەن جانە قوزعالتقىشتاردىڭ جۇمىسىن باقىلاۋ جۇيەسىمەن جاراقتالعان.
L-410 - جەڭىل، كوپ ماقساتتى، قوس موتورلى، جولاۋشى جانە جۇك تاسىمالىنا ارنالعان ۇشاق.
ونىڭ ەرەكشەلىگى - قونعاندا، كۇي تالعامايدى. جازدا - ءشوپ، قىستا - قار باسقان الاڭقايلارعا جانە ۇشۋ-قونۋ جولاعى قىسقا اۋەايلاقتارعا قونا بەرەدى. 19 جولاۋشىنى نەمەسە 1800 كەلى جۇكتى 1500 شاقىرىمعا دەيىن تاسىمالداي الادى.
L-39 ەكى ورىندىق، وقۋ- جاۋىنگەرلىك ۇشاعى اۋە كۇشتەرىنىڭ كۋرسانتتارىن كەز كەلگەن اۋا رايىندا ۇشۋعا ۇيرەتۋگە ارنالعان.
ول اۋەدە، قۇرلىقتا جانە تەڭىزدە ءىس-قيمىل داعدىلارىن جاتتىقتىرۋ ءۇشىن قولدانىلادى. سونىمەن قاتار تۇنگى رەيستەر مەن اۋە نىساندارىن بارلاۋدى، جەردەگى وبەكتىلەرگە سوققى بەرۋدى پىسىقتاۋ ءۇشىن پايدالانىلادى.
تۋ-154 ۇشاعى قورعانىس مينيسترلىگى باسشىلىعىنىڭ اۋەدەگى كوماندالىق پۋنكتى سانالادى.
ول - سەنىمدى ءارى كوپ فۋنكسيالى اۋە كولىگى. ىشكى جانە حالىقارالىق باعىتتار بويىنشا تاسىمالداۋعا ارنالعان. ۇشاق 150-180 شاماسىنداعى اسكەري قىزمەتشىنى 3000-نان 5000 شاقىرىمعا دەيىنگى قاشىقتىققا جەتكىزۋگە قابىلەتتى. سونداي-اق ءىشىن جۇك تاسىمالداۋعا بەيىمدەۋگە بولادى.
A-400M - ءارتۇرلى تاپسىرمالاردى ورىنداۋعا باعىتتالعان كوپماقساتتى ۇشاق.
ول - زاماناۋي ءتورت قوزعالتقىشتى، سوڭعى بۋىنعا جاتاتىن تەحنيكا. ەلىمىزدىڭ اۋە قورعانىسى كۇشتەرى جاراعىنا 2024 -جىلدىڭ سوڭىندا قوسىلعان. بۇل اۋە كولىگى اسكەري ماقساتتاعى تاسىمالدا، مەديتسينالىق ەۆاكۋاسيالاۋدا جانە گۋمانيتارلىق ميسسيالاردا قولدانىلادى.
س ۋ-30 س م جويعىشتارى ەلىمىزدىڭ ءار تۇكپىرىندە كۇن سايىن جاۋىنگەرلىك كەزەكشىلىك اتقارادى.
كوپ ماقساتتى، اۋىر مايدانعا ارنالعان اۋە كولىگى كۇندىز-ءتۇنى، ءارتۇرلى اۋا-رايىندا جاۋىنگەرلىك مىندەتتەردى ورىنداي الادى. ول اۋە نىساندارىن دا، جەردەگى وبەكتىلەردى دە جويۋعا قابىلەتتى. ۇشاق كوپتەگەن قارۋ- جاراقپەن جانە بورتتاعى راديوەلەكتروندىق جابدىقتاردىڭ زاماناۋي كەشەنىمەن جاراقتالعان. ناقتىراق ايتقاندا، وندا باسقارىلاتىن زىمىران قارۋى مەن اۆياتسيالىق قارۋ ورناتىلعان. سونىمەن بىرگە، س ۋ-30 س م- دە 1,5 كەلىگە دەيىنگى كاليبرلى بومبالار، زەڭبىرەك قارۋى جانە زاماناۋي ناۆيگاتسيا جۇيەسى بار.
س ۋ-25 - اسكەري شابۋىل ۇشاعى. بۇل تەحنيكا سيپاتتاماسىنا بايلانىستى «ۇشاتىن تانك» اتالىپ كەتكەن. ويتكەنى، كەز كەلگەن اۋا رايىندا جاۋىنگەرلىك تاپسىرمانى ورىندايدى.
ونى ۇرىس دالاسىندا نىسانا ناقتى كورىنگەندە قولدانۋعا بولادى. نە بولماسا، كوورديناتتارى بەلگىلى وبەكتىلەردى جويا الادى. س ۋ-25 قۇرلىق اسكەرلەرىن اۋەدەن قولداۋعا ارنالعان.