قازاقستان بوكس فەدەراتسياسىنىڭ باسپا ءسوز قىزمەتىنىڭ مالىمەتىنشە، ۇلتتىق قۇراما ساپىنا 10 بوكسشى ەنگەن. ولاردىڭ قاتارىندا جاستار اراسىنداعى ازيا چەمپيوندارى بيبارىس ءاشىرباي مەن ۆلاديسلاۆ ساموجونوۆ بار.
قازاقستاننىڭ U-19 قۇراماسى:
50 كەلىگە دەيىن: ءادىل اسقانباي؛
55 كەلىگە دەيىن: ايدوس ۇسەنوۆ؛
60 كەلىگە دەيىن: دانيار اقبيسەنوۆ؛
65 كەلىگە دەيىن: اقجۇرەك قالاباي؛
70 كەلىگە دەيىن: بيبارىس ءاشىرباي؛
75 كەلىگە دەيىن: ءامىر رامازان؛
80 كەلىگە دەيىن: تيمۋر تايبەكوۆ؛
85 كەلىگە دەيىن: رۋسلان احمەتوۆ؛
90 كەلىگە دەيىن: ەركەتاڭ جارقىنبەك؛
90 كەلىدەن جوعارى: ۆلاديسلاۆ ساموجونوۆ.
Sports.kz مالىمەتىنشە، World Boxing ۇيىمىنىڭ قاولداۋىمەن وتەتىن 19 جاسقا دەيىنگى بوكسشىلار اراسىنداعى الەم چەمپيوناتى 16-27-قازان ارالىعىندا چەرنوگوريانىڭ بۋدۆا قالاسىندا ۇيىمداستىرىلادى.
جەرورتا تەڭىزى سپورت ورتالىعىندا وتەتىن ءدۇبىرلى دوداعا 75 تەن استام ۇلتتىق فەدەراتسيادان 550 دەن اسا بوكسشى قاتىسادى دەپ جوسپارلانعان. جاس سپورتشىلار ۇلدار مەن قىزدار اراسىنداعى 10 سالماق دارەجەسىنىڭ ءارقايسىسىندا باق سىنايدى. ناتيجەسىندە 20 التىن، 20 كۇمىس جانە 40 قولا مەدال جيىنتىعى ساراپقا سالىنادى.
ايتا كەتەيىك، ازيا ويىندارىندا تورەحان سابىرحان مەن ايبەك ورالباي التىن مەدال جەڭىپ الدى.