قازاقستاننىڭ وڭتۇستىك-شىعىسىندا ۇسىك جۇرەدى

استانا. KAZINFORM - انتيتسيكلونمەن بىرگە تۇندە جامبىل، الماتى وبلىستارى مەن جەتىسۋ وڭىرىنە العاشقى اياز كەلەدى، دەپ حابارلايدى قازگيدرومەت.

قازاقستان اۋماعى ارقىلى وتەتىن سولتۇستىك-باتىس انتيتسيكلون نەگىزىنەن جاۋىن-شاشىنسىز كۇن رايىن ساقتاپ قالادى. سولتۇستىك وبلىستار سۋىق اۋا رايىنا دايىن بولسا، وڭتۇستىك تۇرعىندارىن اۋا تەمپەراتۋراسىنىڭ ايتارلىقتاي تومەندەۋىن عانا كۇتەدى.

سولتۇستىكتىڭ سالقىن اعىندارى اسەر ەتكەن انتيتسيكلون تۇنگى ساعاتتاردا جامبىل جانە الماتى وبلىستارىنا، سونداي-اق جەتىسۋ وڭىرىنە العاشقى ايازدى اكەلەدى.

تەرمومەترلەر باعانالارى تەك توپىراق بەتىندە عانا ەمەس، اۋادا دا مينۋس تەمپەراتۋرانى تىركەيدى دەپ بولجانىپ وتىر.

مەتەوجاعدايعا كەلەتىن بولساق، سينوپتيكتەردىڭ بولجامىنشا، 27-قىركۇيەكتە قازاقستاننىڭ باسىم بولىگىندە قولايلى اۋا رايى كۇتىلەدى. اقتوبە، اتىراۋ، قاراعاندى، تەمىرتاۋ قالالارىندا قولايسىز مەتەورولوگيالىق جاعداي ورىن الادى.

قولايسىز مەتەورولوگيالىق جاعداي (ق م ج) - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (تىمىق، ازداعان جەل، تۇمان، ينۆەرسيا) جيىنتىعى. مۇنداي جاعداي ورىن العان كەزدە ەلدى مەكەندەردەگى اتموسفەرالىق اۋانىڭ ساپاسى ناشارلاۋى مۇمكىن.