قازاقستاننىڭ سىرتقى قارىزى قانشا ەكەنى بەلگىلى بولدى

2024 -جىلعى 1-شىلدەدەگى جاعداي بويىنشا، قازاقستان رەسپۋبليكاسىنىڭ سىرتقى قارىزى 166,7 ميلليارد ا ق ش دوللارىنا جەتتى، دەپ حابارلايدى ۇلتتىق بانك.

ۇلتتىق بانكتىڭ مالىمەتىنشە، بۇل كورسەتكىش 2024 -جىلدىڭ باسىنان بەرى 3,0 ميلليارد دوللارعا وسكەن.

2024 -جىلدىڭ باسىنان باستاپ سىرتقى قارىز تولەم بالانسىنىڭ وپەراتسيالارى ەسەبىنەن 2,7 ميلليارد دوللارعا، ال قۇندىق، باعامدىق جانە باسقا دا وزگەرىستەر ەسەبىنەن 0,3 ميلليارد دوللارعا ۇلعايعان.

قازاقستاننىڭ سىرتقى قارىزىنىڭ �,5 ى - ۇزاق مەرزىمدى سىرتقى قارىزعا تيەسىلى. بۇل ءبىر جاعىنان وتىمدىلىك تاۋەكەلدەرىن ازايتسا، ەكىنشى جاعىنان قارىزدى وتەۋ مەن قىزمەت كورسەتۋگە نارىقتىق جاعدايلاردىڭ وزگەرۋىنىڭ ىقپالىن كۇشەيتەدى. قارىزدىڭ قارجىلىق قۇرالدار تۇرلەرى بويىنشا قۇرىلىمىندا رەزيدەنت ەمەستەردەن الىنعان نەسيەلەر مەن قارىزدار باسىمدىققا يە (s,9)، ال رەزيدەنت ەمەستەر قولىنداعى بورىشتىق باعالى قاعازدار %8,0 دى قامتيدى، - دەلىنگەن ۇلتتىق بانك حابارلاماسىندا.

ايتا كەتەيىك، سىرتقى قارىز دەگەنىمىز - رەزيدەنتتەردىڭ رەزيدەنت ەمەستەر الدىندا تولەنبەگەن ناقتى جانە ءسوزسىز مىندەتتەمەلەرى. بۇل مىندەتتەمەلەر نەگىزگى قارىزدى جانە پايىزداردى تولەۋدى تالاپ ەتەدى.

قازاقستان رەسپۋبليكاسىنىڭ سىرتقى قارىزى بويىنشا ستاتيستيكالىق ەسەپتە ەلدىڭ سىرتقى مىندەتتەمەلەرى مەن ونىڭ قۇرىلىمى كورسەتىلەدى. بۇل قارىزدار حالىقارالىق ينۆەستيتسيالىق پوزيتسيانىڭ قۇرامداس بولىگى سانالادى.