قازاقستاننىڭ سوت جۇيەسىندە قانشا ايەل جۇمىس ىستەيدى

استانا. KAZINFORM - بۇگىندە قازاقستاندا 2000 نان استام سۋديا جۇمىس ىستەيدى. ولاردىڭ جارتىسى ايەل. بۇل تۋرالى ورتالىق ازيا ەلدەرى ءۇشىن قىلمىستىق ادىلەت سالاسىنداعى توعىزىنشى ساراپشىلار فورۋمىندا ءسوز سويلەگەن ق ر جوعارعى سوتىنىڭ سۋدياسى گۇلنارا مەرگەنوۆا ايتتى، دەپ حابارلايدى Kazinform اگەنتتىگىنىڭ ءتىلشىسى.

گۇلنارا مەرگەنوۆانىڭ ايتۋىنشا، ق ر جوعارعى سوتىندا 53 سۋديا جۇمىس ىستەيدى، ولاردىڭ H ىن ايەلدەر قۇرايدى. ولار سوت القاسىنىڭ ءتوراعاسى، سوت بيلىگىنىڭ جوعارعى ورگانى - پلەنارلىق ءماجىلىس حاتشىسى بولىپ قىزمەت اتقارادى. سونداي-اق ق ر جوعارعى سوتى جانىنداعى سۋديالار وداعى وبلىستىق فيليالىنىڭ جەتەكشىسى دە ايەل. وبلىستىق سوتتاردا 13 ايەل القالاردىڭ ءتوراعاسى بولىپ قىزمەت ەتەدى. ال اۋداندىق سوتتاردى 79 ايەل باسقارادى.

«وسىلايشا، سوت جۇيەسىندە ايەلدەر مەن ەرلەردىڭ سانى تەڭ. سۋديا لاۋازىمىن اتقارۋعا ەشقانداي شەكتەۋ جوق، - دەدى گۇلنارا مەرگەنوۆا.

ءوز سوزىندە ول ق ر «سوت جۇيەسى جانە سۋديالاردىڭ مارتەبەسى تۋرالى» زاڭىنا سايكەس، سۋديا لاۋازىمىنا ۇمىتكەرلەرگە قويىلاتىن تالاپتار بىردەي ەكەنىن جەتكىزدى. اتاپ ايتقاندا، 30 جاسقا تولۋ، جوعارى زاڭگەرلىك ءبىلىم، جوعارى مورالدىق-ادامگەرشىلىك قاسيەتتەر جانە بەدەلىنە نۇقسان كەلمەۋ. سۋديانىڭ قىزمەت مەرزىمىن ۇزارتۋ كورسەتكىشتەرى دە بىردەي.

مەملەكەت باسشىسى سوت جۇيەسىن رەفورمالاۋعا قاتىستى زاڭعا قول قويدى.