قازاقستاننىڭ قاي وڭىرلەرىندە جولدار جابىلدى

استانا. KAZINFORM - اۋا رايىنىڭ قولايسىزدىعى سالدارىنان 6 وبلىستا رەسپۋبليكالىق ماڭىزى بار 12 جول ۋچاسكەسىندە كولىك قوزعالىسىنا شەكتەۋ ەنگىزىلدى.

«15-قاڭتار ساعات 11.00-دەگى احۋالعا سايكەس، اۋا رايىنىڭ قولايسىزدىعى سالدارىنان 6 وبلىستا رەسپۋبليكالىق ماڭىزى بار اۆتوجولداردىڭ 12 ۋچاسكەسىندە كولىك قوزعالىسىنا شەكتەۋ ەنگىزىلدى. قازىرگى ساعاتتا رەسپۋبليكالىق ماڭىزى بار اۆتوجولداردى قىسقى كۇتىپ-ۇستاۋعا 744 تەحنيكا مەن 1358 جولشى جۇمىلدىرىلدى»، - دەدى «قازاۆتوجول» ۇلتتىق كومپانياسىنىڭ رەسمي وكىلى دينارا قامزانوۆا.

بۇگىن تاڭعى 7.30-دا استانا- شۋچە جانە شۋچە- استانا باعىتتارى بويىنشا «قازاۆتوجول» جانە جەرگىلىكتى پوليتسيا قىزمەتىنىڭ سۇيەمەلدەۋىمەن اۆتوكولىكتەر كولونناسى جولعا شىقتى. كولىكتەر اعىنىندا 320-دان استام اۆتوماشينا بايقالادى.

«ەلىمىزدىڭ باسىم بولىگىندە كۇن قۇبىلمالى - سولتۇستىك وڭىرلەردە قارلى، جەلدى اۋا رايى جانە اياز بولجانادى، وڭتۇستىك وڭىرلەردە جاڭبىر ارالاس قار كۇتىلەدى. قۇرمەتتى جۇرگىزۋشىلەر! قاۋىپسىزدىك ماقساتىندا جول ءجۇرۋ ەرەجەلەرىن قاتاڭ ساقتاپ، الىس جولعا شىعار الدىندا اۋا رايىن ەسكەرۋلەرىڭىزدى سۇرايمىز»، - دەيدى د. قامزانوۆا.

ەسكە سالا كەتەيىك، بارلىق شۇعىل اقپارات Sapar موبيلدى قوسىمشاسىندا جاريالانعان. سونىمەن قاتار، 1403 ءنومىرى بويىنشا كولل-ورتالىق تاۋلىك بويى جۇمىس ىستەيدى.

وسىلايشا، سوڭعى دەرەكتەر بويىنشا جامبىل وبلىسىندا 3 ۋچاسكە جابىق.

«الماتى- تاشكەنت- تەرمەز» 159-238 ك م، كەنەن اۋىلى - قاينار اۋىلى (قوزعالىس ەسكى قورداي اسۋى ارقىلى ىسكە اسىرىلادى) - 79 ك م.

«مەركى- بۋرىلبايتال» 161-273 ك م، بىرلىك اۋىلى - بۋرىلبايتال اۋىلى -112 ك م. شەكتەۋ اۆتوكولىكتىڭ بارلىق تۇرىنە قولدانىلادى.

«الماتى- تاشكەنت- تەرمەز» 534-593 ك م، ايشا ءبيبى اۋىلى - تۇركىستان وبلىسى شەكاراسى - 59 ك م.

شەكتەۋ جۇك كولىكتەرى ءۇشىن ەنگىزىلدى (ەكپىندى جەل، قار ارالاس جاڭبىر، تۇمان، شەكتەۋلى كورىنىس).

سولتۇستىك قازاقستان وبلىسىندا 5 ۋچاسكە جابىق.

«كوكشەتاۋ- كىشكەنەكول- بيدايىق- ر ف شەك.» 213-280 ك م، كىشكەنەكول اۋىلى – ر ف شەكاراسى - 67 ك م.

«بۋلايەۆو- ۆوزۆىشەنكا- مولوگۆاردەيسكوە- كيروۆو- قيالى- روشينسكوە» 62-228 ك م، ۆوزۆىشەنكا اۋىلى - روشينسكوە اۋىلى - 166 ك م.

«روشينسكوە- كورنەيەۆكا- ۆولوشينكا» 0-87 ك م، روشينسكوە ا. - ۆولوشينكا اۋىلى - 87 ك م.

«ۆولوشينكا- سەرگەيەۆكا- تيميريازيەۆو» 0-119 ك م، ۆولوشينكا اۋىلى - تيميريازيەۆو اۋىلى - 119 ك م.

«تيميريازيەۆو- سارىكول- وبلىس شەكاراسىنا دەيىن» 0-32 ك م، تيميريازيەۆو اۋىلى - قوستاناي وبلىسىنىڭ شەكاراسى - 32 ك م. شەكتەۋ اۆتوكولىكتىڭ بارلىق تۇرىنە قولدانىلادى (بۇرقاسىن، شەكتەۋلى كورىنىس) .

جەتىسۋ وبلىسىندا 1 ۋچاسكە جابىق - «ءۇشارال- دوستىق» 84-184 ك م، كوكتۇما ستانتسياسى - دوستىق ستانتسياسى - 100 ك م. شەكتەۋ اۆتوكولىكتىڭ بارلىق تۇرىنە قولدانىلادى (بۇرقاسىن، شەكتەۋلى كورىنىس، ەكپىندى جەل).

قوستاناي وبلىسىندا - «جەزقازعان- پەتروپاۆل» 252-335 ك م، ارقالىق قالاسى - ۇلىتاۋ وبلىسىنىڭ شەكاراسى - 83 ك م جول جابىق. شەكتەۋ اۆتوكولىكتىڭ بارلىق تۇرىنە قولدانىلادى.

تۇركىستان وبلىسىندا - «الماتى- تاشكەنت- تەرمەز» 593-654 ك م، تۇركىستان وبلىسىنىڭ شەكاراسى - جىبەك جولى اۋىلى - 61 ك م. شەكتەۋ جۇك كولىكتەرى ءۇشىن ەنگىزىلدى (جامبىل وبلىسىندا اۋا- رايىنىڭ قولايسىزدىعىنا بايلانىستى) .

ۇلىتاۋ وبلىسىندا - «جەزقازعان- پەتروپاۆل» 137-252 ك م، ۇلىتاۋ اۋىلى - قوستاناي وبلىسىنىڭ شەكاراسى - 188 ك م. شەكتەۋ اۆتوكولىكتىڭ بارلىق تۇرىنە قولدانىلادى (قار، بۇرقاسىن، شەكتەۋلى كورىنىس).