استانا. قازاقپارات - 2025-جىلدىڭ ماۋسىم ايىندا تۇرعىن ءۇي نارىعىنداعى ەڭ جوعارى باعا الماتىدا تىركەلدى. ۇلتتىق ستاتيستيكالىق بيۋرونىڭ مالىمەتىنشە، مۇندا جاڭا باسپانانىڭ ءبىر شارشى مەترىنىڭ قۇنى 647728 تەڭگەنى، ال قايتالاما نارىقتا 681923 تەڭگەنى قۇراپ وتىر، دەپ حابارلايدى Kazinform ءتىلشىسى.
ەكىنشى ەڭ قىمبات قالا - ەلوردا. استانادا جاڭا عيماراتتىڭ شارشى مەترى ورتا ەسەپپەن 593764 تەڭگە بولسا، قايتالاما نارىقتا 642702 تەڭگەنى قۇرايدى.
اتىراۋدا جاڭا تۇرعىن ءۇيدىڭ شارشى مەترى 512205 تەڭگە، ال قايتا ساتىلاتىن تۇرعىن ءۇي 482711 تەڭگەگە باعالاندى.
شىمكەنتتە جاڭادان سالىنىپ جاتقان عيماراتتاردىڭ قۇنى ورتاشا ەسەپپەن شارشى مەترىنە 502636 تەڭگەگە جۋىقتاپ وتىر. قايتالاما نارىقتا باسپانا ارزانىراق - 438290 تەڭگە.
العاشقى بەستىكتى سەمەي تۇيىندەپ تۇر. مۇندا جاڭا باسپانانىڭ شارشى مەترى 453834 تەڭگە بولسا، قايتالاما نارىقتا 430943 تەڭگە بولدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.