قازاقستاننىڭ قانداي كەدەندىك بەكەتتەرى جاڭعىرتىلدى

استانا. KAZINFORM - قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى باقىتجان سلياموۆ ەلىمىزدىڭ مەملەكەتتىك شەكاراسىنداعى كەدەندىك بەكەتتەردى جاڭعىرتۋ جۇمىستارى تۋرالى ايتىپ بەردى.

ونىڭ ايتۋىنشا، ەۋرازيالىق ەكونوميكالىق وداقتىڭ ىشكى شەكارالارى جانە سىرتقى شەكارالارى بار.

- ءبىزدىڭ سىرتقى شەكارالارىمىز قىتايمەن، وزبەكستانمەن، تۇرىكمەنستانمەن شەكتەسەدى. ءبىز وسى شەكارالاردى جاڭعىرتۋ مىندەتىن قويدىق. سەبەبى بۇل باعىتتار ەڭ قارقىندى جانە ستراتەگيالىق ماڭىزدى باعىتتاردىڭ ءبىرى. ولار ەكىجاقتى عانا ەمەس، ە ا ە و شەڭبەرىندە ترانزيتتىك مارشرۋتتارعا، سونداي-اق «ءبىر بەلدەۋ - ءبىر جول» جوباسىندا دا قىزمەت كورسەتەدى. قازاقستان ءوزىنىڭ گەوساياسي جاعدايى، ەكونوميكالىق الەۋەتى جانە تاريحي داستۇرلەرىنە بايلانىستى حالىقارالىق ينتەگراتسيا مەن جاھاندىق ەكونوميكالىق پروتسەستەردىڭ بەلسەندى قاتىسۋشىلارىنىڭ ءبىرى بولىپ وتىر. الەمدىك كولىك جۇيەسىنە قوسىلۋ تاۋارلاردىڭ بارىنشا ەركىن جانە كەدەرگىسىز قوزعالىسىن قامتاماسىز ەتۋدى قاجەت ەتەدى. بۇل كەدەندىك باقىلاۋ قۇرالدارىمەن جانە بيزنەس- پروتسەستەردى اۆتوماتتاندىرۋ جۇيەلەرىمەن جابدىقتالعان زاماناۋي كەدەن ينفراقۇرىلىمىن قاجەت ەتەدى، - دەدى ب. سلياموۆ ورتالىق كوممۋنيكاتسيالار قىزمەتىندە وتكەن باسپا ءسوز قىزمەتىندە.

جىل باسىنان بەرى ە ا ە و- نىڭ سىرتقى شەكاراسىنا اۆتوموبيل وتكىزۋ پۋنكتى ارقىلى ەكى جاققا 605,7 مىڭ اۆتوكولىك وتكەن. بىلتىرعى جىلدىڭ سايكەس كەزەڭىمەن سالىستىرعاندا وتكىزۋ قابىلەتى % ارتقان. وسى كەزەڭدە 1,6 تريلليون تەڭگە كولەمىندە كەدەندىك تولەمدەر ءتۇسىپ، جوسپار 6 ورىندالعان. مەملەكەتتىك شەكارا پەريمەترى بويىنشا 52 اۆتوموبيل وتكىزۋ پۋنكتى بار.

- قازىرگى ۋاقىتتا 6 وتكىزۋ پۋنكتى جاڭعىرتىلدى. بۇل قىتايمەن شەكاراداعى «نۇر جولى»، «قالجات»، «الاكول» پۋنكتەرى. ۇشەۋى وزبەكستان رەسپۋبليكاسىمەن شەكارادا ورنالاسقان - «باۋىرجان قونىسپايەۆ»، «قاپلانبەك»، «اتامەكەن». بەس وتكىزۋ پۋنكتى جىل سوڭىنا دەيىن كەزەڭ-كەزەڭىمەن جابدىقتالادى. بۇل تۇرىكمەنستانمەن شەكاراداعى «تەمىر بابا»، وزبەكستانمەن شەكاراداعى «قازىعۇرت»، «تاجەن»، قىتايمەن شەكاراداعى «مايقاپشاعاي» جانە «باقتى» پۋنكتەرى، - دەدى سپيكەر.

جاڭعىرتۋ شەڭبەرىندە كولىك قۇرالدارىن اشپاي جانە جوعارى دالدىكپەن تەكسەرۋگە مۇمكىندىك بەرەتىن زاماناۋي ينسپەكسيالىق-تەكسەرۋ كەشەندەرى ورناتىلادى، ەلەكتروندىق كەزەك جانە الدىن الا اقپاراتتاندىرۋ جۇيەسى ەنگىزىلەدى.

قۇرىلىس- مونتاجداۋ جۇمىستارىنا قاراماستان جاڭعىرتىلاتىن وتكىزۋ پۋنكتتەرىنىڭ وتكىزۋ قابىلەتى 2022 -جىلعى 640 مىڭ كولىك قۇرالىنان 2024 -جىلعى 1,4 ميلليونعا دەيىن 2,5 ەسەگە ارتقان.

- تاسىمالداۋشىلار مەن ازاماتتاردىڭ ىڭعايلىلىعىنا ەرەكشە كوڭىل بولىنۋدە. بارلىق ءراسىم بارىنشا اشىق بولىپ، شەكارادا بولۋ ۋاقىتى شامامەن ەكى ەسە قىسقاردى. بۇل قازىردىڭ وزىندە ىسكە قوسىلعان 6 وتكىزۋ پۋنكتىنىڭ جۇمىسىنان كورىنىپ وتىر، كەدەن زاڭناماسىن بۇزباعان جاعدايدا شەكارادان ءوتۋ ۋاقىتى 30 مينۋتقا دەيىن قىسقارعان، - دەدى كوميتەت وكىلى.

بۇعان دەيىن ە ا ە و ەلدەرىنىڭ كەدەندىك باج ۇلەسىن ەسەپتەۋدىڭ جاڭا ادىستەمەسى ەنگىزىلۋى مۇمكىن ەكەنى حابارلانعان ەدى.

اۆتور

ايجان سەرىكجان قىزى