قازاقستاننىڭ مەملەكەتتىك قارىزى قانشا

استانا. KAZINFORM - جىل باسىنان بەرى قازاقستاننىڭ مەملەكەتتىك بورىشى 40 ميلليارد تەڭگەگە ۇلعايىپ، 31,9 تريلليون تەڭگەنى قۇرادى. بۇل تۋرالى قارجى ءمينيسترى ءمادي تاكيەۆ ۇكىمەت وتىرىسىندا ايتىپ بەردى.

- 1-شىلدەدەگى جاعداي بويىنشا مەملەكەتتىك بورىش جىل باسىنان بەرى 40 ميلليارد تەڭگەگە ۇلعايىپ، 31,9 تريلليون تەڭگەنى نەمەسە جالپى ىشكى ونىمگە !,1  قۇرادى. نەگىزگى ءوسۋ فاكتورى - رەسپۋبليكالىق بيۋدجەت تاپشىلىعىن قارجىلاندىرۋ جانە بۇدان بۇرىن تارتىلعان قارىزداردى يگەرۋ بولدى، − دەيدى قارجى ءمينيسترى.

بۇدان باسقا، ءمينيستردىڭ ايتۋىنشا، بيىلعى 24- ماۋسىمدا قارجى مينيسترلىگى 2,5 ميلليارد دوللار سوماسىنا يەۆروبوندتار (وبليگاتسيالار) ورنالاستىردى.

بۇل جيىنتىق بورىشتى ۇلعايتپاي، سىرتقى مىندەتتەمەلەر بويىنشا الداعى تولەمدەردى تولىعىمەن قايتا قارجىلاندىرۋعا مۇمكىندىك بەرمەك.

− وسىلايشا، سىرتقى نارىقتا كۆازيمەملەكەتتىك سەكتور سۋبەكتىلەرىنىڭ بولاشاقتا قارىز الۋى ءۇشىن كىرىستىلىك باعدارى ايقىندالدى، − دەدى ءمادي تاكيەۆ.

ايتا كەتسەك، بۇگىن ۇكىمەتتە بيىلعى قاڭتار- ماۋسىم ايلارىنداعى الەۋمەتتىك- ەكونوميكالىق دامۋ جانە رەسپۋبليكالىق بيۋدجەتتىڭ اتقارىلۋ قورىتىندىلارى قارالىپ جاتىر.

بۇعان دەيىن ءمادي تاكييەۆ بيىلعى جارتىجىلدىقتا مەملەكەتتىك بيۋدجەتتىڭ كىرىستەرى شامامەن 11 تريلليون تەڭگەنى نەمەسە جوسپاردىڭ 6,4 قۇراعانىن ايتقان ەدى.

سونداي-اق، قايتارىلعان اكتيۆتەردىڭ 318,1 ميلليارد تەڭگەسى الەۋمەتتىك جوبالارعا ءبولىندى.